Студенттер Билер кеңес ұйымымен кездесті

Студенттер Билер кеңес ұйымымен кездесті

1 қараша 2019 жылы Атырау облыстық сотының бастамасымен өлкенің зиялы қауымы, абыройлы азаматтары және сот ардагерлерінен құрылған Атырау облысының Билер кеңесінің ұйымы Құқықтану мамандығының студенттерімен кездесу ұйымдастырылды.

Кездесуге қоғам және мәдениет қайраткері, Билер кеңесінің мүшесі Кенжеғалиев Абат Кенжеғалиұлы., Қоғам қайраткері, Билер кеңесінің мүшесі Қосыбаев Кеңес Темірұлы., доғарыстағы судья, билер кеңесінің мүшесі Жумалиева Сағима Қильманқызы қатысты.

Кездесу барысында Жоғарғы соттың бастамасымен бастау алып отырған билер кеңесінің маңыздылығын түсіндіре отырып, қазақ елінің тарихында билер соты ерекше орын алатыны жөнінде сөз қозғап, қазақ хандығы құрылғаннан кейін, Тәуке хан тұсында билер соты, өзінің дамуының шыңырау шегіне жеткендей болғанын, билер соты осы кезеңде дараланып, мемлекеттің сыртқы және ішкі саясатының маңызды мәселелерін шешетін органға айналғанын, егер бабалар ізімен билер кеңесін жаңғырта алсақ бұл жағдай ұлттық тәрбие, тәртіп, ағайынның ауызбіршілігі, тағы басқа салаларда да өзгелерге үлгі болатынын айтып өтті. Билер Кеңесінің негізгі қызметі елдегі қалыптасқан ахуалды саралап, дауласу деңгейін азайтуға септігін тигізу, Сол арқылы бабалар мұрасын қайта жаңғырту болып табылатындығын студент жастарға жеткізе білді.

Кездесуге қатысқан факультет профессор-оқытушылар құрамы және студенттер жаңадан құрылып жатқан билер кеңесі туралы ой-пікірлерін ортаға салып, сұрақтар қойылып, түрлі ұсыныстар білдіріп, бастаманы толығымен қолдайтындарын жеткізді.

 

ПІКІРЛЕР

Тізімге қайта оралу

Қалалық маслихатта өткен ашық есік күні

21 Ноя 2019 12

Қазақстан Республикасының Президенті 2019 жыл "Жастар жылы" деп жариялаған болатын.

Экокампуста өткен дөңгелек үстел

21 Ноя 2019 11

Экология департаментінің ұйымдастыруымен Экокампусты дамыту бөлімінің қызметкерлері мен Х.Досмұхамедов атындағы Атырау мемлекеттік университетінің экология кафедрасының оқытушылары қаланың барлық супермаркеттерінің өкілдерін шақыруымен дөңгелек үстелге қатысты.

70 жылдық қарсаңындағы жүздесу

20 Ноя 2019 40

Бүгін университетімізде Аманкелді Кеңшілікұлы бастаған бірқатар өнер қайраткерлері қонақта болды. Айта кетейік, өңірімізде   RAHYMZHAN FEST атты Рахымжан Отарбаевтың ІІІ республикалық театр фестивалі өтуде. Фестивальге келген қонақтар Х.Досмұхамедов атындағы Атырау мемлекеттік университетіне арнайы ат басын бұрып, профессор-оқытушылармен, студенттермен кездесті. Аталмыш кездесу  қара шаңырағымыздың 70 жылдығына орай  «70 жылдыққа - 70 тұлғамен кездесу» шарасы аясында өтті.

Жаңашыл оқытушы

20 Ноя 2019 25

Х.Досмұхамедов атындағы Атырау мемлекеттік университеті «Бейнелеу өнер  және дизайн» кафедрасының аға оқытушысы, магистр Эльмира Жұмабаева әрқашан ізденгіштігімен, жаңа форматтағы сабақтар өткізуімен студенттер алдында беделге ие болған ұстаз.

Ирак Қасымұлымен кездесу өтті

20 Ноя 2019 44

Бүгін Х.Досмұхамедов атындағы Атырау мемлекеттік университетінде қара шаңырағымыздың 70 жылдығына орай  «70 жылдыққа -70 тұлғамен кездесу» аясында  ҚР Еңбек сіңірген заңгері, «Құрмет» орденінің иегері Елекеев Ирак Қасымұлымен кездесу  өтті. Кездесуге университетіміздің профессор-оқытушылары мен құқықтану мамандығында білім алушы студенттер қатысты.