Cпорт саласында халықаралық ғылыми конференция өтті
10-13 қазан аралығында Алматы қаласында Қазақ спорт және туризм академиясының 75 жылдығына арналған «Университеттік спорт: Денсаулық және ұлттық өркендеу» атты IX студенттер мен жас ғалымдардың халықаралық ғылыми конференция өтті
Конференцияны ұйымдастырушылар: Қазақстан Республикасы Білім және ғылым министрлігі, Халықаралық университеттік спорт федерациясы, Дене шынықтыру және спорт университеттерінің халықаралық қауымдастығы және Қазақ спорт және туризм академиясы.
Конференцияға әлем қауымдастығының 22 елінен 30 университеттің өкілдері және дене шынықтыру, спорт және туризм саласындағы жас ғалымдар мен студенттері қатысты.
Конференцияның мақсаты - студенттік спортты дамытудың, денсаулықты сақтау мен жақсартудың әртүрлі аспектілерін талқылау, студенттерді дене шынықтырумен және спортпен жүйелі түрде таныстыру, жаңа спорттық-сауықтыру және спорттық технологияларды анықтау болды.
Осы конференцияға университетімізден дене шынықтыру және бастапқы әскери дайындық кафедрасының аға оқытушысы Хабиров Рафаэль Ралитұлы мен дене шынықтыру кафедрасының аға оқытушысы, қазір Қазақ спорт және туризм академиясының докторанты Қайрғожин Дулат қатысып, жиған тәжірбиелерімен бөлісті.
Конференция қонақтары: ақын, жазушы және қоғам қайраткері Олжас Сулейменов, Қазақстан Республикасы Мәдениет және спорт министрлігі Спорт және дене шынықтыру істері комитетінің төрағасы Серік Сапиев, Халықаралық университеттік спорт федерациясының президенті (FISU) Олег Матыцин, Халықаралық дене шынықтыру және спорт университеттері қауымдастығының құрметті президенті Владимир Платонов, Қазақстан Республикасы Ұлттық Олимпиада Комитеті Президентінің кеңесшісі Бакытжан Ордабаев. Сонымен қатар 22 жақын және алыс шетел университеттерінің ректорлары мен қонақтары және Олимпияда женімпаздары, жүлдегерлері, Әлем чемпиондары қатысты. Олар Даулет Турлыханов, Серик Сапиев, Бахтияр Артаев, Демеу Жадраев, Жаканша Корлан, Алихан Каранеев, Асхат Житкиев.
ПІКІРЛЕР