05.11.2019 168

Х.Досмұхамедов атындағы Атырау мемлекеттік университетінің Бейнелеу өнері және дизайн кафедрасы мамандар дайындау сапасын жақсарту мақсатында жұмыс берушілермен тығыз байланыста жұмыс жасайды. Оқу жылының басынан басынан бері Ш.Сариев атындағы Атырау облыстық қолданбалы-сәндік өнер музейі кафедраның қатысуымен бірнеше іс-шаралар ұйымдастырды.

Жалпы Ш.Сариев атындағы Атырау облыстық қолданбалы-сәндік өнер музейі мен Атырау университеті арасында тығыз шығармашылық байланыс орнатылған. Ш.Сариев атындағы Атырау облыстық қолданбалы-сәндік өнер музейі мен университеттің «Бейнелеу өнері және дизайн» кафедрасы арасында 2018 жылы қаңтар айында қабылданған іскерлік-әріптестік байланыс орнату туралы меморандум негізінде түрлі іс-шаралар ұйымдастырылып келеді. «Бейнелеу өнері және дизайн» кафедрасының оқытушылары мен студенттері тұрақты түрде музей алаңында өтетін түрлі көрмелерге белсене қатысады.
Атап айтқанда, 18 қазанда кафедра оқытушылары мен студенттері Қазақстан Республикасы Суретшілер және Дизай нерлер одағының мүшесі Рахметов Мұрат Сафиоллаұлының «Өмір-өзен» жеке шығармашылық көрмесіне қатысқан болатын.
25 қазанда болашақ суретшілеріміз осы музей ұйымдастырған «Музей түніне» барып, мастер-кластарға қатысты.

Тізімге қайта оралу