Суретшілер жүлделі оралды
«Ортағасырлық Сарайшық – Қазақ Елінің астанасы» тақырыбында өткен облыстық суретшілер көрме-байқауына Х.Досмұхамедов атындағы Атырау мемлекеттік университеті гуманитарлық ғылымдар және өнер факультеті Бейнелеу өнері және дизайн кафедрасының профессор-оқытушылары Қамбербек Аманов, Айса Утаралиев, Отарбай Кендір, Оразбай Қарабалин өздерінің туындыларымен қатысты.
Елбасы Н.Назарбаевтың «Ұлы даланың жеті қыры» бағдарламалық мақаласы аясында Махамбет ауданы әкімдігі және «Сарайшық мемлекеттік тарихи-мәдени музей-қорығы» ұйымдастырған «Ортағасырлық Сарайшық – Қазақ Елінің астанасы» тақырыптық байқауы қазақ мемлекетттілігінің нығаюында үлкен рөл атқарған Сарайшық қаласын насихаттау мақсатында өткізілген болатын. 2019 жылғы 31 қазанда өткен суретшілер көрме-байқауында әріптестеріміз келесідей жүлделі орындар мен марапаттарға ие болды:
1. Бас жүлде - Аманов Қамбарбек Хасенұлы, ҚР СО мүшесі, ҚР Көркем академиясының алтын медаль иегері, аға оқытушы. «Сарайшық. Секер көл» туындысы;
2. Екінші орын – Кендір Отарбай Қанатұлы, ҚР СО мүшесі, ҚР Мәдениет қайраткері, аға оқытушы. «Сарайшық. Жібек жолы» туындысы;
3. Алғыс хатқа - Утаралиев Айса Бақтиярұлы, ҚР СО мүшесі, ҚР Мәдениет саласының үздігі, аға оқытушы. «Сарайшық аруы», «Сарайшық» туындылары;
4. Алғыс хатқа - Қарабалин Оразбай Төлегенұлы, аға оқытушы, магистр. «Алтын күмбез» туындысы.
Әріптестерімізді жүлделі орындарымен шын жүректен құттықтап, шығармашылық жетістіктерге жете берулеріне тілектестік білдіреміз.
ПІКІРЛЕР