Әбілмансұр – университет мақтанышы!
Бүгін Чили елінің Сантьяго қаласынан жүлдемен оралған, әлем чемпионы Батырғали Әбілмансұрды салтанатты түрде күтіп алып, Х.Досмұхамедов атындағы Атырау мемлекеттік университетінде салтанатты түрде кездесу кешін өткізді.
Әбілмансұр, 25-27 қазан күндері Чили елінің Сантьяго қаласында каратеден кадеттер мен жастар арасындағы XI Әлем чемпионатына қатысып, 96 мемлекеттен келген 1557 спортшылардың арасынан оза шауып, 67 келі салмақта сынға түсіп, барлық қарсыластарынан басым түсті. Ақтық сында Түркия елінің спортшысын 2:1 есебімен ұтып, әлем чемпионы деген атаққа ие болды.
Салтанатты жиынға университет ұжымы, профессор-оқытушылар мен студенттер қатысты. Сонымен қатар, Әбілмансұрдың өзі мен бірге әкесі және ұстаздары қатысты. Жиын барысында ұстаздар қауымы чемпионымызға ақ тілектері мен алғыстарын білдіріп, ал студенттерміз өздерін қызықтырған сұрақтарына жауаптарын алды.
Сонымен қатар, әлеуметтік мәселелер және жастар саясаты жөніндегі проректоры Қойшығұлова Ләйлә Ерболатқызы сөз алып, ақылы бөлімде білім алып жатырған 2-курс студенті Батырғали Әбілмансұрды әлем чемпионы атануымен құттықтап, грант иегері атанғанын жеткізді.
Жиын соңында, қатысушыларымыз әлем чемпионы Әбілмансұрға тек қана сәттілік тілеп, естелік суретке түсті.
ПІКІРЛЕР