Жаңа оқулықтар білім сапасының жетістігіне жетелейді

Х.Досмұхамедов атындағы Атырау мемлекеттік университетінің Ғылыми кітапханасы мен гуманитарлық ғылымдар және өнер факультетінің бірлескен іс-шарасы аясында  «Жаңа гуманитарлық білім. Қазақ тіліндегі 100 жаңа оқулық» жобасымен 2019 жылы мемлекеттік тілге аударылған 30 кітапты талқылауға арналған кездесу өтті. Оқытушылар мен студенттер осы кіиаптардың қатарындағы тарих, философия,  журналистика, өнер  саласына арналған оқулықтар бойынша пікірлерін ортаға салды.

Гуманитарлық  ғылымдар және өнер факультетінің профессор-оқытушылары, кітапхана қызметкерлері мен студенттер қатысқан шара қазақ тіліне аударылған әлемдік үздік оқулықтарды таныстыру және оқу үдерісінде қолдану деңгейін көтеру мақсатында ұйымдастырылды.
«Әлеуметтік-гуманитарлық пәндер» кафедрасының меңгерушісі философия ғылымдарының кандидаты Сәлімгерей Аймұратов қазіргі таңда «100 жаңа оқулық» бағдарламасы қазақстандық студенттерге қолжетімді болған көптеген  кітаптардың ішінде философтар мен әлеуметтанушылар үшін де маңызды болып табылатын қітаптардың аударылып, көпшілік қауымға ұсынылуы қуанарлық жағдай екенін сөзге етті. Сонымен қатар әлеуметтік-гуманитарлық пәндер кафедрасының оқытушылары философия ғылымдарының докторы Өмірбек Бекежан, аға оқытушы Роза Ертелеева кітаптың құндылығы туралы өз ойларын ортаға салды.
Тарих мамандығының 4-курс студенті Жанар Мадиева Росс Е.Данн  Лора Дж.Митчелл жазған «Panorama: дүниежүзі тарихы I» кітабын оқығаннан кейінгі өзінің ойын айтып, оқулықтағы тарихи хронология,  тарихи оқиғаларға көзқарастар жайында баяндады. Сонымен бірге тарих мамандығының 4 курс студенті Марина Аманжолова «Panorama: дүниежүзі тарихы II» кітабы бойынша пікірін ортаға салды. Студенттер бұл кітапдарды оқу үдерісінде қолдану кезінде өркениеттердің еуропалық және азиялық дамуын қатар айтылатындығы,  дүниежүзінде тарихи оқиғалардың барысын синхронды бейнелеу арқылы талданғандығын атап өтті. Сонымен қатар тарихи түсінік қалытастыруда отандық және шетелдік оқулықтарды салыстыра оқудың маңыздылығын атап өтті.
Шара барасында  тарих ғылымдарының .докторы Жамиға Таңатарова,  гуманитарлық  ғылымдар және өнер факультетінің деканы, тарих ғылымдарының кандидаты Гулфайруз Кайыргалиева қазақ тіліне аудырылған оқулықтардың ерекшеліктеріне және жалпы пәнаралық байланыста қажеттілігіне тоқталды.   
   

 

 

 

 

ПІКІРЛЕР

Тізімге қайта оралу

ҚҰТТЫҚТАЙМЫЗ!

26 Окт 2020 30

ҚҰТТЫҚТАЙМЫЗ!

23 Окт 2020 54