"Білім және ғылымдағы ақпараттық технологиялар" атты жоғары оқу орындары арасында бірінші интернет-конференция өтті
8 қазанда «Бағдарламалық инженерия» кафедрасы Х. Досмұхамедов атындағы Атырау мемлекеттік университетінің 70 жылдық мерейтойына арналған "Білім және ғылымдағы ақпараттық технологиялар" атты халықаралық қатысумен жоғары оқу орындары арасында бірінші интернет-конференциясын өткізді.
Интернет-конференцияға Словакиядан (Братиславия мемлекеттік университетінің «Қолданбалы информатика» кафедрасы), Ресей Федерациясынан (Губкин атындағы РММ «Информатика кафедрасы), Уфа мемлекеттік мұнай және техникалық университеті, (ВТИК кафедрасы) және Қазақстан Республикасынан Қарағанды мемлекеттік техникалық университеті, Гумилев атындағы Еуразия ұлттық университеті, КАЗГЮУ ғалымдары, С. Нарықбаева атындағы Алматы энергетика және байланыс университеті, Көкшетау жоғары техникалық колледжі, Ш. Есенова атындағы Каспий мемлекеттік технологиялар және инжиниринг университеті, С.Мұқашев атындағы Атырау жоғары политехникалық колледжі, IT орталықтары белсенді түрде қатынасты. Конференцияның модераторы - кафедра меңгерушісі, тех.ғ.к., қауымдастырылған профессор Габбасова Ж.Д. Конференция баяндамалары мен талқылауларының тақырыбы кең және ауқымды түрде қаралды. IT мамандарын оқыту және дайындау процесінде ақпараттық технологиялар мен бағдарламалық құрал-саймандарды қолданумен байланысты, IT-ны ғылыми-зерттеу қызметінде пайдалану, сондай-ақ серверлердің қауіпсіздік мәселелері, компанияларды басқару үшін BigData шешімдерінің артықшылықтары, STEAM оқыту жағдайында инклюзивті білім беруді ұйымдастыру мәселелері, bim технологиясы негізінде жолдарды жобалаудың кейбір мәселелері, әлеуметтік желілер арқылы кәсіптік бағдар беру , сондай-ақ робототехниканы оқыту үшін техникалық платформалар қаралды.
Қазіргі уақытта Х. Досмұхамедов атындағы АтМУ-дың 70 жылдық мерейтойына арналған "Білім және ғылымдағы ақпараттық технологиялар" халықаралық қатысумен жоғары оқу орындары арасындағы интернет-конференцияның баяндамалар жинағын жариялауға дайындық жүргізілуде. Құрметті спикерлер PhD докторы профессор Ярослав Култанға (Словакия), Губкин атындағы Ресей университеті, «Информатика» кафедрасының меңгерушісі Валерия Васильевич Сидоровқа, ВТИК кафедрасының меңгерушісінің орынбасары Екатерина Александровна Султановаға, Ресей Федерациясының белгілі журналисті Кипрас Йозович Мажейкоға, шексіз алғысымызды білдіреміз.
ПІКІРЛЕР