Студенттік өзін-өзі басқару ұйымдарының жәрмеңкесі өтті
Студенттік өзін-өзі басқару құрылымы - студенттердің оқуын, тұрмысын, бос уақытын ұйымдастыруға, олардың қоғамдық белсенділігін арттыруға, студенттік бастамаларды қолдауға қатысты өзекті сұрақтарды шешуге атсалысады. Университеттің спорттық-дене шынықтыру, мәдени-көпшілік, қоғамдық жұмыстарының ұйымдастырылуына үлес қосып, студенттік өзін-өзі басқару ұйымдарына жетекшілік етеді.Студенттік өзін-өзі басқару құрылымына қарайтын бірнеше ұйымдар мен клубтар бар.
Олардың мақсаты, жұмыс жоспарына сәйкес атқаратын қызметтері бар. Кейбіріне тоқталып өтсек: Студенттік кеңес – Х. Досмұхамедов атындағы Атырау мемлекеттік университетінің студенттік жатақханаларында тұратын белсенді студенттерден құралған ұйым. Жатақхананың ішкі тәртібіне жауап беріп, тазалық пен ұқыптылықтың сақталауын қадағалайды. Университет жатақханаларында әртүрлі бағытта өткізілетін іс-шаралар мен еркін форматтағы кездесулерге жауапты болады. «ASUmit» қайырымдылық қоры ұйымы Студенттерді әлеуметтік жауапкершілік тұрғысынан тәрбиелейді. Профессор-оқытушылар мен студенттердің қайырымдылық іс-шараларына белсене атсалысуын ұйымдастырады. Қайырымдылыққа зәру адамдарға арналған түрлі жобалар мен акцияларды жүзеге асырады. «Сенатор» пікірсайыс клубы Клубтың мақсаты – рухани, интеллектуалдық және адамгершілік деңгейі жоғары, ұлтжанды, өзінің қоғам алдындағы азаматтық жауапкершілігін сезінетін тұлға қалыптастыру. Пікірсайысты насихаттай отыра, жастар арасында тәрбиелі, саяси элитаны қалытастыру; университетімізде ғана емес, сонымен қатар, бүкіл Қазақстанның ЖОО-ның студенттері арасында пікірсайыс бәсекесін өткізу.--
ПІКІРЛЕР