АтМу студенттері университеттің проректорлары дайындаған тағамдардан дәм татты
Х.Досмұхамедов атындағы Атырау мемлекеттік университетінің проректорлары №3 жатақхананың асханасында кешкі ас дайындады.
Мәзір бірнеше тағамнан тұрды. Университет ректоры м.а. Гүлжан Жарасова өз қолымен дәмі тіл үйірер палау жасап, ғылым жөніндегі проректор Саламат Нұрмұханұлы Идрисов қой сойып, қазан асты. Қазақтың ұлттық асы бесбармақтың нанын да өз қолымен даярлады. Әлеуметтік мәселелер және жастар саясаты жөніндегі проректор Ләйлә Қойшығұлова манты мен салат жасап, шебер аспаз екенін көрсетті.Ел мен елді татуластыруды, жақсылар мен жайсандарды құрметтеуді, өздерінің мырзалық, мәрттік үлгілі, өнегелі қасиеттері мен артықшылықтарын, ел дәулетін қазақ кең дастарқаны арқылы яғни ас, қонақасы арқылы көрсеткен. Міне, бүгін университетіміздің ғылымы мен тәрбиесін дамыту үшін тынбай еңбек етіп жүрген басшылар студенттерге арнап “Проректорлар асханасы", яғни #as_bolsyn_challenge арқылы сол дәстүрімізді дәріптей білді. Кеште проректорлар жатақхана студенттеріне арнап дәмді кешкі ас дайындап қана қоймай, жақсы көңіл-күй сыйлады.
ПІКІРЛЕР