Сапа менеджмент жүйесі бойынша семинар өтті
14-16 қазан аралығында Сапа менеджмент жүйесі қызметі бойынша ішкі аудиторларды арнайы сертификатпен қамтамасыз ету мақсатында, Қазақстан стандарттау және сертификаттау институтының ұйымдастыруымен «ISО 9001:2015, ISО 14001:2015,ISO 45001:2018 және ISO 19011:2018 Сапа менеджмент жүйесіне сәйкесті ішкі аудит бойынша мамандарды даярлау» тақырыбында оқыту семинары өткізілді. Айта кетейік, аталмыш семинар 14 қазан бүкіләлемдік стандарттау және сертификаттау күніне орай ұйымдастырылды.
Дәрісті СМЖ жетекші маманы, аудитор Хайдарова Марта Әбубәкірқызы жүргізді.
– ISO 9001:2015, ISО 14001:2015,ISO 45001:2018 және ISO 19011:2018 стандарты жалпы ұйымның қызметін жақсартуға бағытталған ұсынымдарды қамтитын жүйені жақсарту бойынша жетекшілік болып табылады. Бұл ұйымның менеджмент жүйелерінің жекелеген аспектілерін ұдайы жақсартып отыруға септігін тигізеді, – деп атап өтті лектор.
Аталмыш шараға ректордың бұйрығымен тағайындалған ішкі аудиторлар толықтай қатынасып, теориялық және практикалық жағынан біліктіліктерін шыңдады. Сондай-ақ, семинар барысында тыңдаушылар тәжірибелік қызметте, аудит барысында туындаған сұрақтарды қойып, білікті жауаптар алды.
Үш күнге созылған семинар өте әсерлі өтті. Қорытындысында барлық қатысушыларға сертификаттар табысталды.
ПІКІРЛЕР