Жаңа оқу жылында - жаңа жетістіктер

Жаңа оқу жылында - жаңа жетістіктер! Қаржы және есеп кафедрасы 2019-2020 оқу жылын маңызды жетістікпен бастап отыр. Кафедра меңгерушісі, э.ғ.к. Э.М.Адиетова, аға оқытушылар С.Б.Альдешова және А.Ж.Қанатова Елбасы Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласын кеңінен насихаттау мақсатында «Білім өркениеті» ұлттық инновациялық ғылыми-зерттеу орталығының жастар жылына орай ұйымдастырған «Үздік жас ғалым-2019» атты республикалық байқаудың жеңімпаздары атанды.

Сонымен қатар, 5В050800-Есеп және аудит мамандығының студенті Тегисбаева Аида (жетекшісі э.ғ.к. Г.Т.Ахметова) Қазан федералдық университеті ұйымдастырған халықаралық «Ғылымды тану - 2019» конкурсынан «Ғылыми ойлаудың ерекшелігі» атты номинациясынан жүлделі ІІ орын алса, 5В050900-Қаржы мамандығының студенті Отаров Даулет (жетекшісі аға оқытушы М.С.Дарисқалиева) атаулы конкурстың «Discovery-2019» номинациясы бойынша жүлделі ІІІ орынмен марапатталды. Бұл жаңа оқу жылының керемет бастамасы. Қаржы және есеп кафедрасы ұжымы студенттер мен ғалымдардың ғылыми-зерттеушілік шеберліктерін және шығармашылық белсенділігін дамыту жолындағы жұмысын қарқынды түрде жалғастыратын болады.

ПІКІРЛЕР

Тізімге қайта оралу

Құттықтаймыз!

17 Май 2022 32