«Государственный контроль в области технический регламент» тақырыбында ашық дәріс өткізілді
Х.Досмұхамедов атындағы Атырау мемлекеттік университетінің 70 жылдығына арналған «70 жылдыққа-70 қадам» бағдарламасы аясында физика, математика және ақпараттық технологиялар факультеті, физика және техникалық пәндер кафедрасының ұйымдастыруымен 23.09.2019 жылы «ҚР индустрия және инфрақұрылымдық даму министрлігі техникалық реттеу және метрология комитетінің Атырау облысы бойынша» департамент директоры Камешева Салтанат Газизқызы «Государственный контроль в области технический регламент» тақырыбында ашық дәріс өткізді.
Ашық дәріске кафедра профессор – оқытушылар құрамы және стандарттау және сертификаттау мамандығының 1-4 курс студенттері қатысты.
Дәріс сабақта мемлекеттік бақылау мен қадағалау стандарттау саласында сәйкестікті растауда, өнім сапасы мен қауіпсіздігінде, қызмет көрсетуде міндетті талаптардың орындалу жөнінде айтты. Бақылау мен қадағалау объектілері ретінде өнім, процестер, сәйкестікті растау жөніндегі органдар мен зертханалар болып табылатынын және де бақылау мен қадағалауды уәкілетті орган, оның аумақтың органдары Қазақстан Республикасының заңнамасына сәйкес мемлекеттік бақылау мен қадағалауды жүзеге асыруға уәкілетті өзге де мемлекеттік органдар мен олардың лауазымды адамдары жүргізетінін студенттерге толық түсіндірді.
Дәріс барысында студенттер өздерін қызықтырған сұрақтарына жауап алып, өз пікірлерін білдірді.
ПІКІРЛЕР