Буккросинг аймағы ашылды
Бүгін Х.Досмұхамедов атындағы Атырау мемлекеттік университетінде Атырау қалалық жастар ресурстық орталығы мен «Social Development Center» қоғамдық қорының ұйымдастыруымен «BOOKCROSSING KAZAKHSTAN» атты әлеуметтік жобасы аясында буккросинг аймағының ашылу салтанаты болып өтті.
Бұл жоба аясында Қазақстанның 17 қалалық өңірлерлерінде 57 букросинг аймағын және әрбір қалада масштабты кітап алмасу акциясы жобаланған. Аталмыш шара осы жоба аясында өткізіліп отыр. Алғы сөз Х.Досмұхамедов атындағы Атырау мемлекеттік университетінің ректорының баспасөз хатшысы,ақын, жазушы Асантемір Қаршығаұлына және Атырау қалалық жастар ресурстық орталығының ұйымдастыру бөлімінің маманы Ерболат Рахметовке берілді.
Аталмыш жиында «Social Development Center» қоғамдық қорының атқарушы директоры Біржан Нұрманұлы осы жоба туралы кеңінен тоқталды.
Шара барысында көрермендерге осы тақырыпқа байланысты сұрақтар қойылып, жауаптар алынып және көрермендер арасынан қосымша пікірлерін білдіргендер де болды.
Арнайы қонақ ретінде шақырылған Х.Досмұхамедов атындағы Атырау мемлекеттік университетінің түлегі, «Алаш айнасы» газетінің Атырау облысындағы меншікті тілшісі Бақытгүл Бабаш қатысушыларға: -Мен бала күнімнен кітапқа құмартып өстім. Кітап - шебер ұстаз. Ол-тілсіз мұғалім. Ол-біздің рухани жан азығымыз, сол себепті кейінгі жас буынды кітап оқуға шақырамын,-деді.
Шара соңында, бұл жобаның негізігі мақсаты, яғни Қазақстан Республикасы Ақпарат және қоғамдық даму министрлігінің қолдауымен «Social Develpoment Center» Қоғамдық қорының жүзеге асыруы бойынша Қазақстанда арнайы кітап алмасу мәдениетінің кең етек жаюына арналып өткіліп отырғаны түсіндіріліп, буккроссинг аймағы ашылды.
ПІКІРЛЕР