«Жаңа гуманитарлық білім. 100 жаңа оқулық»
Елбасымыздың «Болашаққа бағдар: рухани жаңғыру» бағдарламасының аясында – Х.Досмұхамедов атындағы Атырау мемлекеттік университетінің оқытушы-профессорлар құрамы көптеген шараларды қолға алып өткізіп келеді. Сондай шаралардың қатарына «Әлеуметтік-гуманитарлық пәндер» кафедрасының бастауымен өткен бүгінгі «Жаңа гуманитарлық білім. 100 жаңа оқулық» аясында «Қазақ тілі және әдебиеті» кафедрасы мен «Журналистика кафедрасының оқытушыларымен, студенттерімен бірлесе отырып «Гуманитарлық ғылымдар және өнер» - факультетіндегі кітапханада үлкен дөңгелек үстел ұйымдастырылды.
Дөңгелек үстел барысын «Әлеуметтік-гуманитарлық пәндер» кафедрасының меңгерушісі ф.ғ.к. С.Б.Аймұратов жүргізіп қазіргі таңда «100 жаңа оқулық» аясында көптеген кітаптардың ішінде философтар мен әлеуметтанушылар үшін де маңызды болып табылатын қітаптардың аударылып, көпшілік қауымға ұсынылуы қуанарлық жағдай екенін сөзге тиек етті.Кейіннен сөз алған Әлеуметтік-гуманитарлық пәндер» кафедрасының аға оқытушы ф.ғ.к. М.И.Танжаров, «Журналистика кафедрасының аға оқытушысы Ф.М.Белғожиев, «Қазақ тілі және әдебиеті» кафедрасының оқытушысы Н.Б.Атахановалар сөз алып университет ұстаздары мен студенттері үшін бұл аударылған кітаптардың қажеттілігі мен қаншалықты маңызды екендігіне тоқталып өтті.
Қатысқан студенттер арасынан да сөз алған «Қазақ тілі және әдебит» мамандығының студенттері Шугупан Анар, Егінбай Данагүл, Жанұзақова Анаргүл деген студенттер сөз алып бұл кітаптармен танысып қаншалықты студент үшін ұғымды аударылғанын және көркемдік жағынан да тартымды екеніне тоқталып өтті.
ПІКІРЛЕР