«JAS QALAM» ЖАС ЖУРНАЛИСТЕР ФОРУМЫ ӨТТІ

11 қазан күні Х.Досмұхамедов атындағы Атырау мемлекеттік университетінде  республикалық «JAS QALAM»  жастар журналистикасын дамыту жобасының форумы өтті.

«JAS QALAM» - Қазақстанның қазіргі журналистері, журналистика факультетінің студенттері, сондай-ақ, бұқаралық ақпарат құралдарына қызығушылық танытқан басқа да жастарды журналисттік саланың қыр-сырына үйрететін ерекше жоба. Жобаның мақсаты – Қазақстандық журналистиканы дамыту, жас журналистердің кәсіби біліктілігін арттыру, журналистика трендтерін, телевизиялық және баспа материалдарын сапалы берудің әдістері мен тәсілдерін үйрету болып табылады.

Жобаға 16 мен 29 жас аралығындағы жас журналистер қатысты. Форум тележурналистика, баспа, интернет-журналистика және блоггинг бойынша мастер-кластар форматында өтті. Мастер-кластар барысында қатысушылар теориялық білімімен қоса, ТВ-дегі түсірілімдер, тікелей эфирді жүргізу, сюжеттер, мақалалар жазу, интервью алу, сонымен қоса, жеке блог, әлеуметтік желілердегі аккаунттарды жүргізу, сторителлинг, копирайтинг, болашақ журналистік және блогерлік имидж қалыптастыру бойынша практикалық тәжірибе алды.

Форумның спикерлері ретінде Отандық БАҚ-тың жұлдызды журналистері – медиа-тренер, коммуникациялар бойынша эксперт және PR-консультант, Қазақстан Республикасы Президентінің жанындағы Мемлекетік басқару академиясының баспасөз хатшысы – Ақерке Берлібай; журналист, продюсер, «Қазақстан» РТРК айнасы, «Таңшолпан» бағдарламасының басшысы – Бейсеев Жансерік; журналист, aikyn.kz сайтының құрастырушысы және басшысы, «Айқын» газетінің хатшысы – Асқар Беков қатысушылар үшін шеберлік сабақтарын өткізді.

ПІКІРЛЕР

Тізімге қайта оралу

Феномен

11 Май 2021 42