Х.Досмұхамедов атындағы АМУ-дағы Эразмус күндері
2019 жылдың 10-11 қазан аралығында Х. Досмұхамедов атындағы Атырау мемлекеттік университетінде Эразмус күндері өтуде.
Университет Эразмус+ халықаралық бағдарламаның SUSDEV және TRUNAK атты екі жобасының қатысушысы болып табылады.10 қазан күні TRUNAK жобасы бойынша мүдделі тұлғалармен дөңгелек үстел отырысында университеттердің автономияға өтуінің түрлі аспектілері талқыланды.
TRUNAK жобасының мақсаты - қазақстандық университеттердің дәстүрлі басқару нысанынан автономды басқару үлгісіне көшу моделін құру болып табылады.
SUSDEV жобасы Green WAY және SWAPTEL сияқты университеттің басқа жобаларымен сәтті үйлеседі. Бұл жобалар бірлесіп университеттің тұрақты дамуына және ЭКОКАМПУС саясатын жүзеге асыруға ықпал етеді.
SUSDEV жобасының мақсаты - экономика мен қоғамның тұрақты дамуын қамтамасыз етуде жоғары оқу орындарының рөлін арттыру, серіктес елдерде ұлттық «жасыл стратегияларды» қолдау және өмір бойы оқу арқылы «жасыл мәдениетті» ілгерілету болып табылады.
11 қазанда университет түлектері - жобаға қатысушылар ағаш отырғызды. Green WAY жобасы аясында Қазақстандағы АҚШ елшілігінің демеушілігімен ағаштардың бір бөлігі сатып алынды. Кейбір ағаштарды университеттің топырағын талдағаннан кейін SWAPTEL зертханасының мамандары отырғызды.
Отырғызылған ағаштар Түлектер Аллеясының негізін қалады, оны жыл сайын университет түлектері толықтырып отырғызу үрдісін дәстүрге айналдырады.
Science Cafе отырысында қала жұртшылығы мен университет студенттері SUSDEV жобасының тәжірибесімен және нәтижелерімен таныстырылды, ЭКОКАМПУС қызметкерлері университет пен жалпы қаланың тұрақты дамуына ықпал ету бойынша мастер-класс өткізді.
ПІКІРЛЕР