ҚР Білім және ғылым министрі Атырау университетінде

Бүгін ресми сапармен Х.Досмұхамедов атындағы Атырау мемлекеттік университетіне ҚР Білім және Ғылым министрі А.Аймағамбетов келді.

Қазақстан Республикасының Білім және ғылым министрі Атырау университетінің мұражайынан бастап, «I SРАСЕ» - коворкинг және бизнес инкубатор жобасының жұмысымен және екі компоненттен тұратын, ағылшын тілін үйренуге арналған инновациялық «Еnglish Оnly Space» орталықтарының жұмысымен танысты.

Асхат Қанатұлы университетіміздің профессор-оқытушылар құрамымен және студенттермен кездесуінде: - Білім алудың қолжетімділігін арттыру және нарықтың сұранысына сай мамандарды дайындау үшін қолдан келген жұмыстарды атқарып жатырмыз. Бүгінгі таңда қажетті білім беру бағдарламаларымен қамтамасыз ету бойынша барлық мүмкіндіктер қарастырылып, тиісті тапсырмалар орындалуда, -деді.

Одан әрі жиынға қатысушылардың сұрақтарына жауап беріп, білім және ғылым саласының өзекті мәселелері талқыланды.

Асхат Қанатұлы «Болашақ мамандықтар бойынша мамандарды даярлау және қайта даярлау, техникалық мамандықтарға бөлінетін гранттарды көбейту, еңбек нарығындағы өзгерістерді және цифрландыру мен автоматтандыру жаңалықтарын ескере отырып, қажетті дағдыларды үйрету қажет» деп сөзін нақтылады.

Сондай-ақ, студенттердің мүддесі, сапалы білім берумен қатар саналы тәрбие беру мәселесі де кеңінен сөз болды.

 

ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 38

                      

Тәлімгерлік жоба тұжырымдамасы өз жұмысын бастады

26 Сен 2022 50