Профессор-оқытушылар жолдауға пікір білдірді

 -  ҚР Президенті Қ.К.Тоқаевтың халыққа жолдаған жолдауын тыңдадық. Жолдаудың негізгі бағыттары бұған дейін Елбасы ұсынған 2050 жылға дейінгі ұзақ мерзімді даму стратегиясына және Ұлт Жоспарына сәйкес бірқатар құрылымдық міндеттерді іске асыруға бағытталған. Біріншіден, идеология туралы, әсіресе «NurOtan» партиясының қазіргі беделі, негізгі бағыты халықтың ішінде рухани тәрбие мен идеология қалыптастыру, сондай-ақ көптеген мәселелерді халықпен санасу керектігі сөз етілді. Тағы бір айта кеткені, соңғы кезде көп қозғалып жүрген митинг мәселесі.
Сонымен қатар, білім беру сапасын жақсартуға аса мән берілді. Сөйлеген сөзінде келесі жылдан бастап ұстаздардың жалақысы 25 пайызға өсетіндігін де еске салды. Сонымен қатар Қазақстан Президенті Қазақcтан халқына жолдауы кезінде жерді сату мәселесіне де тоқталды. Сондай-ақ шикізатқа байланған менталитеттен бас тартып, экономиканы әртараптандыру қажеттігін айтты.