«ҚР КОНСТИТУЦИЯСЫ: БІРЛІК, ТҰРАҚТЫЛЫҚ ЖӘНЕ ӨРКЕНДЕУ» РЕСПУБЛИКАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯСЫ ӨТТІ
Бүгін Х.Досмұхамедов атындағы Атырау мемлекеттік университетінде Қазақстан Республикасы Конституциясының 25-жылдығына орай «ҚР Конституциясы: бірлік, тұрақтылық және өркендеу» республикалық ғылыми-практикалық конференциясы өтті.
Республикалық деңгейде ұйымдастырылған шараға ҚР-ның Парламенті депутаттары, Атырау облысы мемлекеттік қызметкерлері, Конституциялық Кеңес өкілдері, сонымен қатар, ҚР-сы тәуелсіздік алған кезеңінен бастап Конституцияның тарихы мен дамуы, орны туралы ғылыми зерттеу еңбектері бар ғалымдар, сот және құқық қорғау органдары мен прокуратура қызметкерлері қатысты.
Пленарлық мәжілістің мақсаты - еліміздің жаһандану кезеңіндегі мемлекетіміз бен құқығымыздың дамуы негізінде Конституцияның әлеуетін жан жақты аша түсуге бағытталған.
Конференцияда ҚР Конституциялық Кеңесінің мүшесі, заң ғылымдарының докторы Шапак Унзила Шапакқызы модераторлық етіп, осы конференцияны ұйымдастыруға мол үлесін қосқан Атырау облысының әкімі Н.Ноғаев пен Х.Досмұхамедов атындағы Атырау мемлекеттік университеті ұжымына ҚР Конституциялық кеңес атынан алғысын білдіріп, алғы сөз облыс әкімі Н.Ноғаевқа берілді.
Баршаңызды мемлекеттігіміздің берік іргетасы – Конституция күнімен құттықтаймын! 30 тамыз – Қазақстан халқы тарихи таңдау жасаған ұлы бетбұрыс күні. Конференцияда Қоғам мен мемлекеттің бірлескен куш-жігері конференцияға қатысушылардың ғылыми идеялары мен мемлекеттің одан әрі құқықтық дамуына жәрдемдесетініне үміттенеміз, - деді облыс басшысы.
Жиынға қатысқан Мәжіліс депутаты Хаменова Бақытгүл Қайыржанқызы: Азаттығымыздың айшықты айғағы болған Ата Заң – тәуелсіздіктің теңдессіз тартуы. Сан буын ұрпақ алмасса да ескірмейтін, жыл өткен сайын жаңғыра беретін құндылықтар жинағы. Мемлекеттігіміздің алтын қазығын қастерлеу – әрбір қазақстандықтың қасиетті парызы. Конституцияның әрбір сөзін мүлтіксіз орындап, бұлжытпай сақтасақ алар асуымыз әрдайым асқақ болады. Сол арқылы Мәңгілік Елдің тұғырын нығайтып, шаңырағын биіктете түсеміз, -деп қатысушыларды Ата Заң күнімен құттықтады.
Осыдан кейін сөз алған заң ғылымдарының докторы, Тұран университетінің ғылыми-зерттеу институты директорының орынбасары, ҚР заңдылығы институтының бас ғылыми қызметкері Жанузакова Лейла Тельманқызы өз баяндамасында Қазақстан Республикасы Конституциясының қалыптасуының бірнеше тарихи күрделі, өтпелі кезеңдерін қамтып, ғылыми тұрғыда көзқарасын білдірді.
Сонымен қатар, баяндамашылар қатарында заң ғылымдарының докторы, Алматы гуманитарлық-инновациялық заң университетінің профессоры Каиржанова Солидат Елегенқызы, Атырау облыстық сотының төрағасы Бектұрғанов Марғұлан Жұбнышұлы, Медиацияны дамыту орталығының өкілдік директоры Марданова Гүлбаршын Марданқызы, заң ғылымдарының кандидаты, Х.Досмұхамедов атындағы Атырау мемлекеттік университеті «Құқықтану» кафедрасының меңгерушісі Шаяхметова Жанна Бекболқызы бар.
ПІКІРЛЕР