01.07.2019 420

1 шілде мен 6 тамыз аралығында Халел Досмұхамедов атындағы Атырау мемлекеттік университетінде әскери кафедра студенттерімен оқу-жаттығу жиыны өткізілуде. Бүгінгі таңда әскери жиындар Қорғаныс министрінің бірінші орынбасары – Бас штаб бастығы бұйрығының талаптарына сәйкес өтуде.

Жиын кезінде студенттер әскер қызметін ұйымдастыру және бөлімшелерде қауіпсіздік пен құқықтық тәртіпті қолдануды қамтамасыз ету, арнайы үгіт насихатты ұйымдастыру, дене шынықтыру дайындығы мен спортты ұйымдастыру, барлауды ұйымдастыру жөніндегі іс-шараларды жүргізумен танысады. 
Жиын студенттердің әскери дайындығының қорытынды кезеңі болып табылады. Олар теориялық сабақтар барысында алған білімдерін тәжірибеде жүзеге асырады. Бұл қарулы күштер үшін оқытылған жұмылдыру ресурсын дайындау тұрғысынан маңызды. Университеттің әскери кафедрасының қабырғасында болашақ офицерлерді дайындайды. Әскери жиын аяқталғаннан кейін оларға "запастағы лейтенант"әскери атағы беріледі. Болашақта университетті бітіргеннен кейін, егер олар ҚР Қарулы Күштерінде қызмет етуді шешсе, онда оларға лейтенант әскери атағы беріледі.

Тізімге қайта оралу