Түлектер тілегі
Халел Досмухамедов атындағы Атырау мемлекеттік университетінің "Инновациялық білім беру" факультетінің бітіруші түлегі Турегелдиева Гулназ:
4 жыл ішінде осы университет арқылы сан-мыңдаған сұрақтарға жауап алып, өзімнің білімімен белсенділігімді арттырдым. Маған сенім білдірген барша ұстаздарыма, профессор-оқытушыларға айтар алғысым шексіз!
Ақтарылған ақ тілектер біздің жолымызды ашып қана қоймай, биіктерге бастайтынына бек сенімдімін. Университетімізді әрқашан мақтан тұтып, Ең озық ойлы түлектерді бiлiмдi де бiлiктi жас маман ретiнде ұшыра беруіне тілектеспін!
«Гуманитарлық ғылымдар және өнер» факультетінің бітіруші түлегі, магистрант Айдос Каримов:
Білімнің қара шаңырағы Батыс өлкесіндегі бірегей жоғары оқу орны Алаш арысы атанған Халел Досмұхамедов атындағы Атырау мемлекеттік университетінен Тарих мамандығы бойынша Педагогика ғылымдарының магистрі академиялық дәрежесін алдық.Түлектердің алған біліміне, ғылымына қарап, Жоғары оқу орнының деңгейі анықталатыны сөзсіз. Барлығымыздың да алға қойған мақсатымыз бар. Сол мақсаттарымызды, міндеттерімізді орындауаға ұмытылудамыз. Бізді білім әлемінде өз мамандығымызға сай маман болуға қалыптасуға жол салған барша университет құрамына алғысым шексіз. Олар біздің қамқоршымыз, тілекшіміз.Өзіміз аяқтап отырған Университет жетістіктері алдағы кезеңдерде де мол табыстармен жаңа биіктерді бағындырып, біздерден кейінгі түлектерді де жаңа ізденістерге қанаттандыра бермек.Университет қабырғасында алған білімідерімізбен Егемен Еліміздің өркендеп-дамуына елеулі еңбек үлесін қосып, білікті маман болуымызға сеніміміз мол.
ПІКІРЛЕР