25.06.2019 1009

Осындай тақырыппен кеше Х.Досмұхамедов атындағы Атырау мемлекеттік университетінің «Әзербайжан мәдени орталығында» Қазақстан Республикасы Президенті Қ.К.Тоқаевтың ұлықтау рәсіміндегі белгіленген жоспарын талқылауға байланысты дөңгелек үстел болып өтті.

Жиынды Атырау өлкесінің тарихы, археологиясы және этнографиясы ғылыми-зерттеу орталығының директоры, т.ғ.д., профессор - Сапанов С.Ж. жүргізіп, баяндамашылар қатарында ғалым-хатшы, п.ғ.к.-Тыныбаева Б.К , Қазақстан Халқы Ассамблеясы институтының директоры, т.ғ.д-Кыдыралина Ж.Ү, гуманитарлық пәндер кафедрасының аға оқытушысы, ф.ғ.к- Кенжегалиев А.А болды.
Баяндамашылар өз баяндамаларында  Елбасының "Әлеуметтік-экономикалық жаңғырту-Қазақстан дамуының басты бағыты" атты Жолдауының 10 бағыты бойынша кеңінен түсініктеме берді. Ғалым-хатшы, п.ғ.к.-Тыныбаева Б.К жолдаудағы  халықтың әлеуметтік тұрмысын, елдің экономикасын көтеруге себепші болатын 10 бағыт бойынша атқарылатын жұмыстарды саралап өтті. Қазақстан Халқы Ассамблеясы институтының директоры т.ғ.д-Кыдыралина Ж.Ү жолдауда халықты жұмыспен қамту, жаңа жұмыс орындарының ашылуы, тұрғын үй мәселелерін  шешу бағытын баяндаса, гуманитарлық пәндер кафедрасының аға оқытушысы, ф.ғ.к Кенжегалиев А.А рухани жаңғыру бағытына кеңінен тоқталып өтті.
Жиын соңында дөңгелек үстелге жиналған магистранттар мен оқытушылар пікір алмасып, өз ойларымен бөлісті.

Тізімге қайта оралу