Біздің жастар білімге құштар
Шетелде қазақстандық жоғары білімнің экспорттық әлеуетін арттыру және шетелдік студенттерді ҚР-ЖОО на тарту мақсатында «Халықаралық бағдарламалар орталығы» Білім және ғылым министірлігінің қолдауымен Ресей Федерациясында «Қазақстанның білім күндері» аясында білім беру көрмелері мен кәсіптік бағдар беру жұмыстары ұйымдастырылды.
Қазақстанның білім күндері, білім беру көрмесі кәсіптік бағдар беру жұмыстары 15-24 cәуір аралығында Ресей Федерациясының сегіз қаласында, атап айтар болсақ, Астрахань, Волгоград, Саратов, Самара,Оренбург,Орск, Челябинск,Омск қалаларында өтті.
Көрмеге Х. Досмұхамедов атындағы Атырау мемлекеттік университетінен «Стратегиялық инновациялық және халықаралық даму» департаментінің маманы Р.Шотанова және Көптілді дайындық кафедрасының оқытушысы С. Тұржанова қатысты. Қазақстанның білім күндері аясында ұйымдастырылған білім беру көрмесіне Астрахань қаласындағы ҚР-ның консулы Шеккалиев Канат Магатұлы және Омск қаласының консулы Жусупбеков Конысбек Арынғазыұлы қатысып, болашақ ұрпақтың білімді болуы үшін бүгіннен бастап қам жасау керектігін қаперге берді. Аталған көрмеде ҚР- ның 12 жоғары оқу орны кәсіптік бағдар беру жұмыстарын жүйелі түрде жүргізіп, көпшіліктің көзайымына айналды. Ал, Ресей Федерациясы 10 мыңға жуық жастарды көрмеге қатыстыруды қамтыған. Жалпы, жастардың білімге деген құштарлығы білім көрмесінде анық байқалды.
ПІКІРЛЕР