Мәжіліс депутаттары университетімізде
ҚР Парламент мәжілісінің депутаттары Ізмұхамбетов Бақтықожа Салахатдинұлы, Хитуов Тарас Киікбайұлы, Тасболатов Абай Бөлекбайұлы Атырауға келген іс-сапарында Х.Досмұхамедов атындағы Атырау мемлекеттік университетінде болды.
Университетке келген халық қалаулылары алдымен Халел ескерткішінің төңірегінен жақында ғана ашылған «Тұлғалар аллеясымен» танысты. Кейін жағада орналасқан «Жайық» спорттық кешенін аралады. Сонымен қатар, университетіміздің «English only space» оқу орнына барып, студенттеріміздің тыныс-тіршілігімен танысты. Университетіміздің логотипі салынған киімдер дүкендердің барына депутаттарымыз таңқалыстарын білдірді.
Депутаттар университетіміздің бас ғимаратының мәжіліс залында профессор-оқытушылармен және студенттермен арнайы бас қосты. Жиынның алғы сөзін ректор Абзал Ахатұлы өзі алып, сөз кезегін мәжіліс депутаты Ізмұхамбетов Бақтықожа Салахатдинұлына берді. Депутат өз кезегінде жиын қатысушыларына алғысын білдіріп, алда болатын кезектен тыс сайлауға белсенді түрде қатысуға шақырды.
ПІКІРЛЕР