Жастар жылындағы жаңа талпыныс
22-26 сәуір аралығында Х.Досмұхамедов атындағы АтМУ өзін-өзі басқару ұйымының апталығы басталды.
Осыған орай өзін-өзі басқару апталығының ашылу салтанаты өтті. Шараны ашып берген Жастар саясаты департаментінің басшысы Бибінұр Бүркітқызы сәттілік тілесе, Студенттік өзін-өзі басқару құрылымының президенті Ералыұлы Әлихан апталықта жоспарланған шараларды таныстырды. Сөйтіп, оқытушыларға студенттерді таныстырып, біліктілік пен тәжірибе алмасу мақсатында ұйымдастырылған шара алғашқы жұмысын бастады. Жиырмаға жуық белсенді студенттер ендігі жерде ректордың, проректордың бөлім басшыларының қызметтерін атқарып көретін болады. Өз жұмыстарына белсене кіріскен жастарға ұйымдастырушы тарап, бұл үрдістің жыл сайын жалғасын таба беретіндігін жеткізді. Мұны жастар жылындағы жаңа талпыныс деп түсіндік.
Гүлназ Жұмағалиева, Көптілді білім беру факультетінің 2 курс студенті
ПІКІРЛЕР