17.04.2019 1533

Бүгін,17 сәуірде университеттің Ғылыми кеңес залында «Болашаққа бағдар: рухани жаңғыру» бағдарламасы аясында «Туған жер» және «Қазақ тіліндегі 100 жаңа оқулық» жобалары төңірегіндегі жаңа басылымдармен таныстыруға арналған дөңгелек үстел өткізілді.

Шараға Атырау облысы әкімі аппаратының Қазақстан халқы Ассамблеясы Хатшылығы, «Қоғамдық келісім» МКМ, облыстық тарихи-мәдени ескерткіштерді қолдау инспекциясының, облыстық тарихи-өлкетану мұражайының басшылықтары, Атырау мұнай және газ университеті, Атырау инженерлік-гуманитарлық институтының профессорлар мен оқытушылары, студенттер, магистранттар, ҚХА ғылыми-сарапшылық топ мүшелері қатысты.

Шараны кіріспе сөзімен Х.Досмұхамедов атындағы Атырау мемлекеттік университетінің ғылым жөніндегі проректоры, профессор Идрисов Саламат Нұрмұханұлы ашты.

Жиында ортағасырлық «Ақтөбе-Лаэти» қалашығын зерттеуі туралы материалдар жинағымен Кораблев Андрей Александрович, «Былина» орыс этномәдени бірлестігінің төрағасы; Афанасьев Вячеслав Константинович, Атырау мұнай және газ университетінің профессоры, археолог, өлкетанушы; Гузиков Лев Львович, журналист, өлкетанушы, таныстырды.

Дөңгелек үстелді Қазақстан халқы Ассамблеясы институтының директоры, тарих ғылымдарының докторы, профессор Кыдыралина Жанна Үркінбайқызы жүргізді. Сонымен қатар модератор «Жаңа гуманитарлық білім. Қазақ тіліндегі 100 жаңа оқулық» жобасының жаңа басылымдарына шолу жасады.

Ювала Ноа Хараридің «Sapins. Адамзаттың қысқаша тарихы» атты кітабы туралы пікірімен Сапарова Гульнара Адильбековна, зоология және жалпы биологиялық пәндер кафедрасының аға оқытушысы, биология ғылымдарының кандидаты бөлісті. Стивен Р. Ковидің «Жасампаз жандардың 7 дағдысы» кітабы туралы пікірін гуманитралық пәндер және өнер факультетінің деканы, тарих ғылымдарының кандидаты Қайрғалиева Гүлфайруз Қайрғалиевна білдірді.

Шара барысында жаңа кітаптардың көрмесі ұйымдастырылды.

Тізімге қайта оралу