Кезектен тыс президент сайлауы жөнінде дөңгелек үстел
Кеше Атырау өңірлік «Рухани жаңғыру» жобалық кеңсесінің сарапшылар кеңесінің қатысуымен кезектен тыс президент сайлауы жөнінде дөңгелек үстел өтті.
Жиынды «Рухани жаңғыру» жобалық кеңсесінің жетекшісі Орынтай Биманова жүргізіп, Х.Досмухамедов атындағы Атырау мемлекеттік университеті Қазақстан халқы Ассамблеясы институтының директоры, тарих ғылымдарының докторы, қауымдастырылған профессор, сараптама кеңесінің төрайымы Жанна Қыдыралина, Атырау қалалық соғыс және еңбек ардагерлері кеңесі төрағасының орынбасары Қазақстан Журналистер Одағының мүшесі, ҚР Мәдениет қайраткері Абат Кенжеғали, №2 қалалық орталық кітапхана директоры Жанат Жайлауова, «Ахыска» түрік қауымдастығының төрағасы, демеуші Абубакир Мурадов, Атырау мемлекеттік университетінің «Атырау өлкесінің тарихы, археологиясы, этнографиясы» ғылыми-зерттеу орталығының директоры, тарих ғылымдарының докторы, профессор, саясаттанушы Сайполла Сапанов, Педагогика ғылымдарының кандидаты, Халелтанушы Ғабит Базарғалев, «Рухани жаңғыру» жобалық кеңсесінің менеджері, «Қазақстан және дүние жүзі тарихы» кафедрасының қауымдастырылған профессоры Әния Ермағамбетова, Атырау мұнай және газ университеті жанындағы «Рухани жаңғыру» кіші жобалық кеңсесінің жетекшісі Жанаргүл Айдарәлиева және Атырау мемлекеттік университетінің «Ғылым департаменті» мамандары қатысты.
Қатысушылар сыртқы саяси ахуалды және ішкі жағдайды ескере отырып, осынау маңызды кезеңді ұзаққа созбай, халық өз басшысына таңдау жасауы заңды деген пікірді қолдап отыр.
Дөңгелек үстел барысында бұл сайлаудың Қазақстанның демократиялық, зайырлы ел екенін білдіретін батыл қадам екені айтылып, Отанын сүйетін, ел болашағына алаңдайтын әр азаматтың дауыс беруден тыс қылмауы және насихатталуы қажетілігін алға тартты.
Сондай-ақ, бірінші рет дауыс бергелі отырған жастарға сайлаудың мән-жайын, маңызын түсіндіру жөнінде ұсыныс берілді.
ПІКІРЛЕР