Құрметке кенелген Қадыр Жүсіп
Бүгін Қазақстан Жазушылар Одағының, Қазақстан Журналистер Одағының мүшесі, Фиолология ғылымдарының докторы, профессор, Қазақстан Педагогикалық ғылымдар Академиясының академигі, Әлеуметтік ғылымдар академиясының корреспондент-мүшесі, ҚР -ның Мәдениет қызметкері, Атырау мемлекеттік университетінің Әбіш Кекілбаев атындағы ғылыми зерттеу орталығының директоры, ақын Қадыр Өтегенұлы Жүсіптің "Өлеңім - менің өмірім" атты шығармашылық кеші өтті.
Қадыр Жүсіп ұстаздық пен қасиетті қаламын қатар алып жүрген, жүрегінен шыққан туған жерге деген сүйіспеншілігін, халқына сый-құрметін поэзиялық туындылары арқылы оқырмандарына жеткізіп жүрген ақын. Кеш барысында шәкірттері ақынның шығармаларын оқып, керемет сый жасады.Шығармашылық кешке арнайы келген ҚР Жазушылар Одағының мүшесі, ҚР Құрметті журналисі, Қызылқоға ауданының Құрметті азаматы, ақын Төлеген Жаңабайұлы, ҚР Ұлттыұ ғылым академиясының мүшесі, геология ғылымдарының докторы, профессор Нәсіпқали Сейітов, ақын Гүлзада Ниетқалиева сөз сөйлеп, ақжарма тілектерін білдірді.
Университеттегі әріптес профессор-оқытушылар құттықтап, студент, магистранттар гүл шоқтарын табыстады.
ПІКІРЛЕР