СТУДЕНТТЕРІМІЗ ЖЕҢІС ТҰҒЫРЫНДА!
Л. Гумилев атындағы Еуразия ұлтттық университетінде студенттер мен магистранттар арасында XIV Халықаралық «Ғылым және білім-2019» атты конференция болып өтті. Конференция «Jastar jyly» -на арналған «Jastar» бағдарламасын жүзеге асыру іс-шаралар жоспары аясында өткізілді.
Ғылыми конференция экономика,филологияның өзекті мәселелері, жаратылыстану ғылымдары, механика және математика, тарих және археология секцияларын қамтыды. Еліміздің түкпір-түкпірінен келген жалпы саны 36 студент қатысқан аталмыш сайыста университетіміздің қос бірдей филология мамандығының студенттері Ізбасаров Есенбай «Қазақ тіліндегі сөзойнатым құбылысы» (ғылыми жетекші ф.ғ.к., Салыхова А.З.) тақырыбымен жүлделі І дәрежелі дипломмен және Шакиров Заманбек «Латын графикасына көшудің өзекті мәселелері» (ғылыми жетекші ф.ғ.к. Елеуова А.С.) тақырыбы бойынша жүлделі ІІІ дәрежелі дипломмен марапатталды. Ғылым бәсекесінде жүзден жүйрік, мыңнан тұлпар студенттерімізді дайындаған ғылыми жетекшілеріне зор алғысымызды білдіреміз.
ПІКІРЛЕР