«Zhas project» жобасы туралы түсінік берілді

«Zhas project» жобасы туралы түсінік берілді

1 миллион теңге грант. Қазақстанда әлеуметтік бастамалары бар жастардың қайтарымсыз қаржы алуына биыл да мүмкіндік туып отыр. «Жастар корпусын дамыту» жобасына құжаттарды қабылдау 15 наурыздан 15 сәуірге дейін жалғасады. Бұл туралы Х.Досмұхамедов атындағы Атырау мемлекеттік университеті студенттерімен кездескен тренер Бағлан Қалдарбеков «Zhas project» жобасын түсіндіру мақсатында өткен кездесу барысында баяндады.

Жастар корпусын дамыту жобасы – бұл Халықаралық қайта құру және даму банкі мен ҚР Білім және ғылым министрлігінің бірлескен жобасы. Жобаны іске асыруды Үйлестіру агенттігі жүзеге асырады.

Іске асыру кезеңі:  2017-2020 жж.

2019 жылы іске асыру облыстары: Ақмола облысы, Атырау облысы, Батыс Қазақстан облысы, Манғыстау облысы және Астана мен Алматы қалалары.

Мақсаты: жастарды қоғамдастықтың өміріне тарту, сондай-ақ, қоғамдастықтың игілігі жолында қоғамдық пайдалы қызмет дағдыларына оқыту арқылы өмірлік маңызы бар дағдыларды дамыту.

Қатысушылар: Жобаны іске асыру облыстары аумағында тұратын, 14 жастан 29 жасқа дейінгі жастар (оқушылардан басқа)

Басымдықтар: Оқымайтын және жұмыс істемейтін немесе жұмыс істейтін, бірақ табысы төмен жастар.

Жоба 2017 жылы басталып, Қазақстанның төрт облысынан шамамен 2 000 қатысушыны қамтыды. 2018 жылы Жобаның шеңберінде шамамен 3 508 адам қамтылды.

ПІКІРЛЕР

Тізімге қайта оралу

Құттықтаймыз!

17 Май 2022 38