«Жоғары білімсіз білімді болуға бола ма?»
2019 жылы 11 сәуірде Экономика және құқық факультетінде Ғылым апталығы аясында Экономика кафедрасының оқытушысы, экономика ғылымдарының магистрі А.И. Зинуллинаның ұйымдастыруымен «Жоғары білімсіз білімді болуға бола ма?» тақырыбында дебат түрінде іскерлік ойын ұйымдастырылды. Каспий өңірінің қазіргі заманғы жоғары колледж студенттері тәуелсіз төреші ретінде қонақ болды.
Пікірталас - интеллектуалды ойынның ерекше түрі. Оған қатысу білім алушыларды ақпаратты сыни талдауға, жүйелендіруге, жүргізуге және проблемаға өз көзқарасын қалыптастыруға дағдыландырады. Сонымен қатар, студенттердің интеллектуалдық және шығармашылық қабілеттерін ашуға мүмкіндік береді.
Ойын барысында «Үкімет» және «Оппозиция» топтарының спикерлері тақырып бойынша тезистік тұрғыда дәйекті дәлелдемелерімен өз позициясын қорғады. Тараптардың әрқайсысы өз сөздеріне сенімді, аргументтері айқын, қарсыластарының кемшіліктерін анықтай келе, қызықты ойын көрсете білді. Пікірталастың ұйымдастырылуы студенттердің білім деңгейінің жоғары екендігін көрсетті.
Пікірталас өте қызу тартыста өтті. Ойын қорытындысы парламент мүшелерімен жалпыға бірдей дауыс беру арқылы Оппозиция тарапының ұтымды болғаны айқындалды.
Атаулы шараға Экономика және құқық факультеті деканының ғылыми жұмыстар және стратегиялық бағыттар бойынша орынбасары Ж.Ж Жағыпар., Ғылым Департаментінің өкілдері, Экономика кафедрасының меңгерушісі, э.ғ.к.,қауымд.профессор Р.Қ.Сабирова., ПОҚ құрамы, сондай-ақ экономикалық мамандықтарының студенттері қатынасты.
ПІКІРЛЕР