Оқу құралдары мен монографияларының таныстырылымы
10 cәуір - Ғылым күніне орай ұйымдастырылған Ғылыми апталық аясында Экономика және құқық факультеті Қаржы және есеп кафедрасы оқытушыларының 2018-2019 оқу жылында жарық көрген оқу құралдары мен монографияларының таныстырылымы өтті.
Атап айтсақ, 2018-2019 оқу жылында «Бухгалтерлік есеп» (авторлары э.ғ.к., доцент Адиетова Э.М., экономика ғылымдарының магистрі, аға оқытушы Альдешова С.Б.), «Бухгалтерлік есеп негіздері» (авторы экономика ғылымдарының магистрі, аға оқытушы Альдешова С.Б.) атты оқу құралдары, «Қазақстан Республикасының аграрлық секторын инвестициялық –инновациялық қамту мәселелері» (авторлары э.ғ.к., доцент Адиетова Э.М., экономика ғылымдарының магистрі, аға оқытушы Канатова А.Ж.), «Қазақстанның әлеуметтік-экономикалық дамуында тура шетелдік инвестицияның ролін талдау және бағалау» (п.ғ.к. Уталиева Р.С., экономика ғылымдарының магистрі, аға оқытушы Альдешова С.Б.) монографиялары баспадан шыққан.
Оқу құралдары студенттерге қаржылық есептілікті құрастыру туралы түсінік алуға және ақпараттарды өңдеудің қазіргі заманғы әдістері мен құралдарын игеруге мүмкіндік берілген. Сонымен қатар оқу құралдарында оқу жетістігін сырттай бағалау бойынша тест сұрақтары, бухгалтерлік есеп шоттарының үлгілік жоспары, есеп және аудит саласындағы түсініктерді қамтитын глоссарий мен ұсынылатын әдебиеттер тізімі, есептер, қарама-қарсы білімін білімін тексеру мақсатында жауаптары ұсынылған.
Ал, монографияларда аграрлық сектордың қазіргі жағдайы мен экономикалық тиімділігін бағалау және инвестицияның тарту белсенділігін арттыру мәселелері, Қазақстан экономикасының дамуындағы тура шетелдік инвестициялардың маңызы зерделенеді.
Оқу құралдары мен монографиялар ЖОО экономика мамандықтарының оқытушыларына, студенттеріне, магистранттар мен доктаранттарға арналған.
ПІКІРЛЕР