ХІ Республикалық пәндік олимпиадасында ІІІ орын!
4-5 сәуір аралығында Х.Досмұхамедов атындағы Атырау мемлекеттік университетінің «5В011000-Физика» мамандығы студенттері І.Жансүгіров атындағы Жетісу мемлекеттік университетінде өткен Қазақстан Республикасы жоғары оқу орындары студенттерінің ХІ Республикалық пәндік олимпиадасына қатысып келді.
Пәндік олимпиадаға қатысқан студенттеріміз сайыстың үш кезеңінен сүрінбей өтіп, нәтижесінде «5В011000-Физика» мамандығы бойынша жалпы командалық ІІІ орынға ие болды. Жалпы команда мүшелері Марта Еділбаева, Айман Тасмұханова, Мира Мейрамова есімді студенттеріміз арнайы сертификаттармен және командалық есепте ІІІ дәрежелі дипломмен марапатталды. Студенттерге жетекшілік еткен аға оқытушы, магистр Жадыра Салыкбаева арнайы Алғыс хатқа ие болды.
ПІКІРЛЕР