Ғылыми апталық аясында іс-шаралар жалғасуда
Х.Досмұхамедов атындағы Атырау мемлекеттік университетінде Ғылым күніне орай 2019 жылдың 8-12 сәуір аралығында
бірнеше іс-шаралар өткізу жоспарланып отыр.
"Жергілікті ландшафты зерттеу әдістемесі" тақырыбында Атырау облыстық өлкетану мұражайына экскурсиядан басталған ғылыми апталық аясында Жаратылыстану және ауылшаруашылық ғылымдары факультеті «Биология және ауылшаруашылық пәндері» кафедрасының ұйымдастыруымен биология мамандығының 1-2 курс студенттерінің арасында «XXI ғасыр көшбасшылары» атты интеллектуалды ойын өткізді.
Ғылыми апталық жоспарына сәйкес өткізілген зияткерлік сайыс - студенттердің білімін одан әрі шыңдап, білім, ғылым жолына жаңашылдыққа тәрбиелеу және көшбасшылық қабілетін айқындауды мақсат етті. Сайыстың қызықты әрі тартысты өткені студенттердің белсенділік танытқанынан көрінді. Сайыс нәтижесінде алғырлық танытқан студенттер арасынан “ХХІ ғасыр көшбасшылары” анықталып, жеңімпаздарды марапаттау рәсімімен қорытындыланды.
Одан әрі апталық Ы.Алтынсарин атындағы Арқалық мемлекеттік педогогикалық институтының химия кафедрасы оқытушыларының ұйымдастыруымен «Қазіргі білім беру саласындағы оқытудың өзекті мәселелері» тақырыбындағы вебинармен жалғасты.
ПІКІРЛЕР