«Құқық қорғау саласындағы психологиялық қызметтің бүгіні мен ертеңі»
2019 жылғы 14 наурызда сағат 15.00-де Х.Досмұхамедов атындағы Атырау мемлекеттік университетінің Ғылыми кеңес залында «Психология және арнайы білім беру» кафедрасы мен «Кәсіби оқытудағы психологиялық педагогикалық технологиялар» зертханасының жетекшілері п. п.ғ.к., профессор С.К.Нурмукашева және магистр Г.Г.Кубышеваның ұйымдастыруымен «Құқық қорғау саласындағы психологиялық қызметтің бүгіні мен ертеңі» тақырыбында семинар өтті.
«Рухани жаңғыру» бағдарламасы аясында ұйымдастырылған семинар жұмысының мақсаты құқық қорғау саласындағы психологиялық қызметке байланысты мәселелерді бірлесе шешіп, жаңашыл мекемелердің психологиялық қызметін тарату болып табылады.
Бұл семинарға Атырау облысы кәмелетке толмағандардың істері жөніндегі мамандандырылған ауданаралық сотының судьясы Н.А.Искакова, Атырау облысы бойынша ҚР Ұлттық Қауіпсіздік Комитеті Департаменті психологы А.Ш.Мухамбетшиева, ҚР азаптаудың алдын-алу жөніндегі ұлттық алдын-алу тетігі психологы Н.Қуанова, сонымен қатар Атырау облысы полиция департаменті инспектор-психологтары, Атырау облысы Мамандандырылған Күзет Қызметі басқармасы психологы, Төтенше жағдайлар департаменті «ӨС және АҚЖ» бас маман-психологы, Атырау облысы бойынша ҚАЖ департаменті инспектор-психологтары, Атырау қаласы Полиция басқармасы Жергілікті полиция қызметі №1 қпб ювеналдық полиция тобының кәмелеттік жасқа толмағандар істері жөніндегі инспекторлары қатысып, құқық қорғау саласындағы психологиялық қызметтің ерекшеліктері туралы көптеген мәселелер талқыланды. Келген қонақтарға және баяндамашыларға алғыс хаттар мен Университет логотипі бар сыйлықтар берілді.
ПІКІРЛЕР