Қош келдің, әз-Наурыз!

Бүгін Х.Досмұхамедов атындағы Атырау мемлекеттік университеті әскери кафедрасының ұйымдастыруымен «Қош келдің, әз-Наурыз» атты мерекелік шара өтті.

Ұлыстың ұлы күніне орай ұйымдастырылыған шара кафедра оқытушылары мен курсанттарының қатысуымен болды.

Алғашқы құттықтау сөз Әскери кафедра бастығының МУА запастағы подполковнигі Абсаматов Серік Акировичке беріліп: «Құрметті, әріптестер және студенттер, сіздерді алда келе жатқан Наурыз мерекесімен құттықтаймын! Ұлыстың ұлы сіздерге тек қана жақсылық әкелсін. Алдағы жұмыстарымызға тек сәттілік тілеймін»,- деп сөзін аяқтады.

Шара әскери кафедра курсанттарының арнайы мереке қарсаңында берілетін «Алғыс хатпен» марапатталуымен жалғасты.

Осыдан кейін, студенттердің орындауындағы әдемі ән және қазақтың қара домбырасымен шертілген күй болды.

Мерекелік шара соңы студенттер арасындағы ұлттық ойындарды ойнаумен аяқталды.

Тізімге қайта оралу