«Ұлы күннің айнасы» атты мерекелік шара өтті
Бүгін Х.Досмұхамедов атындағы Атырау мемлекеттік университетінің АКТ залында гуманитарлық ғылымдар және өнер фаультеті мен көптілді білім беру факультетінің белсенді студенттерінің ұйымдастыруымен «Ұлы күннің айнасы» мерекелік шара болып өтті.
Шара ежелден жаңарту мен жасампаздықтың бастауы, ырыс пен берекенің арқауы болған «әз Наурыз» мерекесімен құттықтау мақсатында ұйымдастарылды.
Мерекелік жиынның алғы сөзі көптілді білім беру факультетінің деканы Мұхтаров Мұстахим Харенұлы мен гуманитарлық ғымыдар және өнер факультетінің деканы Қайырғалиева Гүлфайруз Қайырғалиқызына берілді.
«Ұлыстың ұлы күніне» орай ұйымдастырылған мерекелік шара әдемі ән мен көңілді билер мен және көтеріңкі ойындар мен жалғасын тапты.
Студенттеріміз «Наурыз думан» әнімен шараны аяқтап, жиынға жиналған оқытушылар мен студенттерді «Ұлы күннің айнасы» болып отырған Наурыз мерекесімен шын жүректен құттықтады!
ПІКІРЛЕР