04.03.2019 1189

Х.Досмұхамедов атындағы Атырау мемлекеттік университетінің Жайық спорт кешенінде 1999-2001 жылы туылған жастар арасында дзюдодан Қазақстан Республикасы чемпионаты өтіп жатыр. Жастар жылына және жас қазақстандықтар арасында спортты насихаттауға бағытталған жарысқа Қазақстанның түкпір-түкпірінен 500-ге жуық спортшы қатысуда.

Дзюдодан ҚР чемпионатын Атырау облысы әкімі Нұрлан Ноғаев ашып, қатысушыларға жеңіс тіледі.
Чемпионаттың алғашқы күнінде 55-60 келі салмақтағы, ал екінші күні 60, 66, 81 келі салмақтағы балуандар белдесті. Жарыс кезінде 66 келі салмақта өнер көрсеткен Х.Досмұхамедов атындағы Атырау мемлекеттік университеті Жаратылыстану факультетінің 1 курс студенті Ермек Амангелді чемпион атанды. 
Бүгін сайыстың үшінші күнінде 90, 100, +100 келі салмақтағы балуандар бақ сынайды. Айта кету керек, дзюдодан республикалық чемпионат 5 наурызға дейін созылады. Жарыс қорытындысы бойынша дзюдодан Қазақстан Республикасының құрамасы жасақталады. 

Тізімге қайта оралу