«UNIVERSITY» радиосы қызметін бастады

Бүгін Халел Досмұхамедов атындағы Атырау мемлекеттік университетінің радиоторабы салтанатты түрде ашылды. Араға 5 жыл салып қайта іске қосылған радио ұжымы жаңа құраммен тыңдармандарға жол тартты.

2014 жылы өз жұмысын тоқтатқан радио «Жастар жылына» байланысты өз жалауын қайта желбіретті. Салтанатты жиынның шымылдығын Атырау облыстық радиосының бас редакторы Сұлухия Қаттарқызы мен Әлеуметтік мәселелер және жастар саясаты жөніндегі проректор Ләйлә Ерболатқызы ашып берді.

Айта кету керек, радио ұжымы өзгертіліп, тың жаңалықтармен бөлісуді мақсат етеді. Радиода қазір 1 курс студенттерінен құрылған 11 адам жұмыс жасайды. Сонымен қатар «радиода жаңа бағдарламалар дайындалуда» дейді радио редакторы Назерке Жаңбырбай.

Бибігүл Таңатарова, 

журналистика мамандығының 1 курс студенті

ПІКІРЛЕР

Тізімге қайта оралу

Хабарландыру!

9 Июл 2020 40