ҚР Қоғамдық даму министрі Дархан Аманұлы университетімізде

ҚР Қоғамдық даму министрі Дархан Аманұлы университетімізде

Бүгін Х.Досмұхамедов атындағы Атырау мемлекеттік университетінде "Рухани жаңғыру" бағдарламасы аясында Қазақстан Республикасының Қоғамдық даму министрі Дархан Аманұлы Қалетаевтың қатысуымен кездесу өтті.

Ардагерлер, ғылыми қауымдастық, азаматтық қоғам, БАҚ өкілдері қатысқан кездесуді облыс әкімінің бірінші орынбасары Серік Жамбылұлы жүргізіп отырды.
Атырау облысы әкімінің бірінші орынбасары Серік Шапкенов өз сөзінде: "Мемлекет басшысы Н.Назарбаевтың 2017 жылдың 12 сәуірінде жарияланған "Болашаққа бағдар: Рухани жаңғыру" бағдарламалық мақаласын жүзеге асыру аясында облысымызда жүйелі жұмыстар атқарылуда. Өңірде осы уақыт ішінде 6 арнайы жоба бойынша 253 жоба іске асырылды. Жобалар негізінен әлеуметтік инфрақұрылымдар құрылысы, тұрғындардың азаматтық белсенділігін арттыруға бағытталған жобалар, ұлттық салт-дәстүрлерімізді ұлықтау, жас ұрпаққа өлкеміздің ерекшеліктерін танытып, елімізге деген сүйіспеншілікті тәрбиелеуге бағытталған. Айта кететіндігі, осы жобаларға халықтың әлеуметтік ахуалын жақсарту үшін ірі компаниялар мен кәсіпкер-меценаттар белсенді қолдау көрсетуде" деді.
Өңірлік "Рухани жаңғыру" жобалық кеңсесінің жетекшісі Орынтай Биманова сөз алып, өңірде атқарылып жатырған жұмыстар жайында кеңінен ақпарат берді.
Одан әрі Қоғамдық даму министрі Дархан Аманұлы жалғап, Атырауда аталмыш бағдарлама аясында атқарылып жатырған игі істерге ризашылығын білдірді.
Кездесу барысында тарих ғылымдарының докторы, профессор, "Сарайшық" мемлекеттік тарихи-мәдени музей қорының" директоры Әбілсейіт Қапезұлы "Сарайшыққа сапар" орталығын ашу бойынша жасалып жатырған жүмыстармен бөлісті. "Елсана" руханият клубының жетекшісі Нұржан Мақсотұлы, "Туған жер" туризм және аймақтану клубының жетекшісі Гүлжан Елешова да жобалары негізінде атқараттар берді.
Бұл кездесу "Рухани жаңғыру" - қоғамдық сананы жаңғырту бағдарламасын жүзеге асырудағы келелі міндеттерді бірлесе орындауға бағытталған маңызды талқылау ортасы болды.

                                                                                         Арайлым БАҒЫТЖАНҚЫЗЫ

ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 41