18.02.2019 651

Өткен жұмада Ғ.Сланов атындағы Атырау облыстық ғылыми әмбебап кітапханасында "Нұр Отан" партиясы Атырау облыстық филиалы жанындағы Саясаттанушылар орталығы және Х.Досмұхамедов атындағы Атырау мемлекеттік университетінің ұйымдастыруымен профессор Хисмет Табылдиевтың  «Атырау облысының тарихы» атты монографиясының тұсаукесеріне арналған ғылыми семинар өтті.

                                                                

Семинарды Х.Досмұхамедов атындағы Атырау мемлекеттік университетінің ғылыми жұмыстар және халықаралық байланыс жөніндегі проректоры Саламат Идрисов ашып, жүргізіп отырды. Саламат Нұрмұханұлы өз сөзінде, "тәуелсіз даму өткенді мұқият зерделемей, келешекті кеңінен болжамай, жүзеге аса қоймайды. Сондықтан да, қалың жұртшылық бүгінгі ұлттығымыз бен мемлекеттігіміздің тарихи бастауларына айрықша назар аударуда. Елбасы Н.Назарбаевтың «Ұлы даланың жеті қыры» атты бағдарламалық мақаласында тәуелсіздік жолында бүкіл өмірлерін арнаған «Ұлы даланың ұлағатты тұлғаларына» ерекше мән берілген. Халық ондай ұмтылмас тұлғаларды қандай тауқімет тартса да,естерінен шығармақ емес. Алаш азаматы деген ардақты атаққа ел тағдыры, халық тағдыры үшін аянбай тер төккен, өз қандарын төккен, жандарын қиған,ар-намысы таза, ұлтжанды ұл-қыздары лайықты. Атырау өңірінде бұндай тұлғалар баршылық. Солардың бірегейі, сөз жоқ бар өмірін ҚАЗАҚСТАН ЖОҒАРЫ МЕКТЕБІ МЕН ұлттық тарих ғылымына арнаған абзал азамат,ғалым-ұстаз Хисмет Бозанұлы Табылдиев" дей келе, жас ұрпақтың ұлттық - тарихи санасын өркениетті деңгейге көтеру үшін Хисмет Табылдиевтың «Атырау облысының тарихы» атты монографиясының шығарылуына айтарлықтай үлес қосқан әріптесіміз, профессор Жамиға Тәжікқызы Таңатароваға және Хисмет Бозанұлының жұбайы майра Гилаевнаға, балалары Бейбіт пен Ерланға алғысын білдірді.
Одан әрі Атырау облыстық Қоғамдық кеңестің төрағасы Мұрат Өтешов, «Нұр отан» партиясы Атырау облыстық филиалы төрағасының бірінші орынбасары Нұрлыбек Ожаев сөз сөйлеп, құттықтау лебізін білдірді.
Семинар барысында профессор,тарих ғылымдарының докторы Таңатарова Жамиға Тәжікқызы, профессор,тарих ғылымдарының докторы Сарсенов Алдар Сарсенұлы, тарих ғылымдарының кандидаты,профессор Жұмабаева Жұмазия Кенжебайқызы, тарих ғылымдарының докторы, профессор Сайполла Жұмабайұлы, педагогика ғылымдарының кандидаты, профессор Нағымов Шахман Нағымұлы, тарих ғылымдарының докторы, профессор Ахмет Аққали Қабижанұлы, тарих ғылымдарының кандидаты, профессор Қылышбай Сүндетұлы, тарих магистрі Жұмабаев Амангелді Жеңісұлы, жас саясаттанушылар орталығы жетекшісі Өмірзақов Әділбек-жас саясаттанушылар орталығы жетекшісі баяндамалар жасады.

Тізімге қайта оралу