Ғылыми-сараптамалық топ мәжілісі өтті
13 ақпанда біздің университетімізде Қазақстан халқы Ассамблеясы Ғылыми-сарапатамалық тобының мәжілісі өтті. Шараға Ғылыми-сараптамалық топ мүшелері, жастар өкілдері қатысты. Жиында Елбасының «Ұлы Даланың жеті қыры» атты мақаласынан туындайтын міндеттер талқыланды, Ғылыми-сараптамалық тобының жұмыс жоспары белгіленді.
Университет ректоры атынан алғы сөзді әлеуметтік мәселелер және жастар саясаты жөніндегі проректор, профессор Ләйля Ерболатқызы Қойшығұлова сөйледі. Жиналысты Атырау облысы әкімі аппараты «Қоғамдық келісім» коммуналдық мемлекеттік мекемесінің басшысы Досқалиева Жанат Зәкіқызы жұргізді.
Баяндамашылар Х. Досмұхамедов атындағы Атырау мемлекеттік университеті Қазақстан халқы Ассамблеясы институтының директоры, тарих ғылымдарының докторы Жанна Үркінбайқызы Қыдыралина және Атырау инженерлік-гуманитарлық институты Академиялық комитетінің басшысы, экономика магистрі Ләззат Тілеуқызы Жиенқұлова Елбасының «Ұлы Даланың жеті қыры» мақаласындағы негізгі бағыттарын, қоғамдық және тарихи сананы жаңғыртудағы міндеттерді талдады. Ал Атырау мемлекеттік университеті гуманитарлық ғылымдар және өнер факультеті тарих бөлімнің 4 курс студенті Ғаламат Базарбаев өз сөзінде Қазақстандық қоғамды рухани жаңғыртудағы жастардың рөлі мәселесін қозғады және топ мүшелері мен университет басшылығына өлкеміздің киелі жерлеріне жастар экспедициясын ұйымдастыру туралы ұсынысын жеткізді.
Жиын соңында «Қоғамдық келісім» мекеме басшысы Ж.З. Досқалиева өткен жылы жұмыс қорытындылары бойынша этносаралық келісімді нығайту және «Қазақтану» жобасын іске асырудағы қосқан үлесі үшін Атырау мемлекеттік университетінің ректоры А.А. Талтенов және ғылым жөніндегі проректоры С.Н. Идрисовке, Ғылыми-сараптамалық кеңесінің мүшесі, көптілі білім беру факультетінің деканы М.Х. Мұхтаровке Қазақстан халқы Ассамблеясының Құрмет грамоталарын табыс етті.
ПІКІРЛЕР