АТЫРАУДЫҢ АЛЫБЫ АРДАҚТАЛДЫ!

АТЫРАУДЫҢ АЛЫБЫ АРДАҚТАЛДЫ!

«Профессор Хисмет Табылдиевтің ғылыми мұрасы және өлкетанудың ғылыми негіздері» атты ғалымға арналған конференция  «Салтанат сарайында» жалғасын тапты.  

Хисмет Бозанұлына арналған шараның басты мақсаты-жас ұрпақтың ұлттық-тарихи санасын кейейтіп, жаһандану жолында ғалым мұраларына жан бітіруді көздейді. Аталған шара тізгінін қолға алған тарих ғылымдарының докторы, профессор - Бұркітбай Аяған алысты-жақыннан жиналған конақтарды таныстырып, баяндамшыларға сөз кезегін ұсынды. Алғашқы сөз-тізгіншісі, экономика ғылымдарының докторы, Атырау облысының Құрметті азаматы-Равиль Шырдабаев «Хисмет Табылдиев білікті ұстаз, белгілі ғалым, іскер басшы» деген тақырыпта өз ойын ортаға салды. Ол: - Хисмет Бозанұлы іскерлігімен, өлкентанудағы өзіндік қолтаңбасымен ерекшеленді. Атырау тарихын терең зерттеген зерделі жанның бірі болды. Бүгінгі таңда оның мұраларын зерттеу ендігі ұрпаққа борыш болып есептеледі. Ұлт пен ұрпаққа қызмет еткен асыл ағаның мұрасы келер ұрпаққа мирас болады, - деді.

Конференция барысында баяндама жасағандар қатарында, Х.Досмұхамедов атындағы Атырау мемлекеттік университетінің профессоры, Тарих ғылымдарының докторы, Хисмет Бозанұлының монографиясының редакторы- Жамиға Таңатарова, тарих ғылымдарының докторы, профессор, Ұлттық Ғылым Академиясының Құрметті академигі-Тұяқбай Рысбеков, Ш.Уәлиханов атындағы тарих және этнология институтының директоры, тарих ғылымдарының докторы, профессор-Зиябек Қабылдинов, тарих ғылымдарының кандидаты, профессор-Жұмазия Кенжебайқызы болды.

Баяндамашылардан соң «Атырау облысының тарихы» атты Хисмет Бозанұлының жинақтаған материалдары негізінде жарық көрген кітаптың тұсауы кесілді.

- Ағамыздың мұраларын насихаттауда ел болып бірлік танытып жатқан атыраулықтарға алғысым шексіз. Бүгін қуанышты күннің белгісі ретінде айтайын, Хисмет Бозанұлының 80-жылдығына сыйлық жасауды жөн көріп, үкіметтен «Мажарлардың құрметті азаматы» деген атақты ресми түрде сұраған болатынмын. Біз туыс халық болғандықтан ешкім қарсылық білдірмей, ағайдың еңбегін бағалап, «Мажарлардың құрметті азаматы» деген атақты берді. Соны Майра апайға тапсырғым келеді, -деді «Барыс» Мажар-Қазақ қоры төрағасының орынбасары, Этвеш Лоранд атындағы Мемлекеттік университетінің лекторы - Оңайша Мақсымқызы.

Мұны мажарлықтардың Бозанұлына берген бағасы деп білдік.

Ал, халықаралық ғылыми-практикалық конференциясының соңында ұсыныстар айтылып, қарарлар қаралды. Соның ішінде, жыл сайын қаңтар айында арнаулы және орта оқу орындарына Хисмет Табылдиевті тану курстарын ұйымдастыру, Хисмет Табылдиев еңбек еткен «Қазақстан және Дүние жүзі тарихы» кафедрасын «Хисмет Табылдиев атындағы ғылыми лаборатория кафедрасы» деп атау, 2-жылда 1-рет «Халықаралық Табылдиев оқуларын» өткізу туралы ойлар айтылды. Шынында, осы ұсыныстар қолға алынатын болса ғалым хатының өлмесі хақ!

Атыраулықтар өз абыз-алыбына осылай құрмет көрсетті!

Назерке Жаңбырбай

ПІКІРЛЕР

Тізімге қайта оралу

«Президенттік басқару жүйесінің теориясы мен практикасы және Қазақстандағы Президенттік сайлау»

18 Апр 2019 18

Бүгін Х.Досмұхамедов атындағы Атырау мемлекеттік университетінде «Президенттік басқару жүйесінің теориясы мен практикасы және Қазақстандағы Президенттік сайлау» тақырыбында  конференция өтті.

Профессор Бақыт Барсайдың 70 жасқа толуына орай ғылыми-әдістемелік конференция

17 Апр 2019 59

2019 жылы 12 сәуір күні Х.Досмұхамедов атындағы Атырау мемлекеттік университетінде ардагер ұстаз, ғалым,  пед.ғ.д., профессор Барсай Бақыт Телжанқызының мерейлі 70 жасқа толуына арналған «Білім беру мазмұнын жаңарту жағдайында педагогикалық кадрларды кәсіби даярлау: құзыреттілік, технология, инновация» атты республикалық  ғылыми-әдістемелік конференция өтті.

ЖАҢА КІТАПТАРДЫҢ ТҰСАУКЕСЕРІ ӨТТІ

17 Апр 2019 51

Бүгін,17 сәуірде университеттің Ғылыми кеңес залында «Болашаққа бағдар: рухани жаңғыру» бағдарламасы аясында «Туған жер» және «Қазақ тіліндегі 100 жаңа оқулық» жобалары төңірегіндегі жаңа басылымдармен таныстыруға арналған дөңгелек үстел өткізілді.

Кезектен тыс президент сайлауы жөнінде дөңгелек үстел

17 Апр 2019 40

Кеше Атырау өңірлік «Рухани жаңғыру» жобалық кеңсесінің сарапшылар кеңесінің қатысуымен кезектен тыс президент сайлауы жөнінде дөңгелек үстел өтті.

«Алма тарату» акциясы өтті

17 Апр 2019 43

Х.Досмухамедов атындағы Атырау мемлекеттік университетінде  студенттердің ұйымдастыруымен «Ұлы даланың жеті қыры» бағдарламалық мақаласын насихаттау, Қазақстан алманың «тарихи отаны» екендігін дәріптеу мақсатында «Алма тарату» акциясы өтті.