Болашақ білген дұрыс Бозанұлын

Болашақ білген дұрыс Бозанұлын

«Алаш азаматы» деген ардақты атаққа ие ел азаматтары аз. Ал, осы аз атаулардың ішіне кіретін тұлғалардың бірі де бірегейі – ҚР Қоғамдық Ғылымдар Академиясының академигі, ғалым-ұстаз Хисмет Табылдиев Бозанұлы.

Халық осындай тұлғаларды қандай тауқымет тартса да естен шығармақ емес. Соның бірден-бір дәлелі, бүгін Х.Досмұхамедов атындағы Атырау мемлекеттік университетінің мәжіліс залында Хисмет Табылдиевке арналған «Профессор Хисмет Табылдиевтің ғылыми мұрасы және өлкетанудың ғылыми негіздері» атты халықаралық ғылыми – практикалық конференциясы өтті.

Конференцияның негізгі мақсаты-жас ұрпақтың ұлттық-тарихи санасын өркениетті деңгейге көтеру жолында Хисмет Табылдиев мұраларының маңызы зор екенін түсіндіріп, насихаттау болды.

Конференцияның шымылдығын  Х.Досмұхамедов атындағы Атырау Мемлекеттік университетінің ғылым жөніндегі проректоры Саламат Идрисов ашты.

Конференцияға Хисмет Табылдиевтің көзін көрген профессор, тарих ғалымдарының докторлары мен ұстаздары қатысып, өз ойларын білдірді. Атап айтар болсақ,  Құдайберген Жұбанов Атындағы Ақтөбе мемлекеттік университетінің профессоры, тарих ғылымдарының докторы, Хисмет Бозанұлының үзеңгілес інісі-Абдоллаев Нұртаза Акишанұлы, «Барыс» Мажар-қазақ қорының төрағасының орынбасары- Оңайша Мондоки Мақсымқызы, профессор, тарих ғылымдарының докторы-Сарсенов Алдар Сарсенұлы, профессор, тарих ғылымдарының докторы-Сапанов Сайполла Жұмабайұлы қатысып, өздерінің ойларымен бөлісті.

Әл-Фараби атындағы Қазақ Ұлттық университетінің профессоры, тарих ғылымдарының докторы- Самад Кушенұлына сауал тастағанымызда, ол: - Ел тәуелсіздігін нығайтуға байланысты жеткіншек ұрпақты өз халқының тарихи,мәдени, рухани асыл мұралары арқылы отансүйгіш азамат етіп тәрбиелеу өзекті мәселе. Осы аталған мәселеге кезінде Хисмет Бозанұлы бір кісідей ат салысты. Жалпы, Хисмет Табылдиевтің тарихи-ғылыми мұраларының маңызы зор екенін айтқым келеді. Ендігі жерде, осы Хисмет Бозанұлының еңбектерін болашаққа жеткізу парыз деп білеміз,-деді.

Хисмет Бозанұлына арналған конференция соңында қатысушылар ұрпақ ұстазына айналған тұлға мұраларының келер ұрпаққа насихатталып, болашақ «Бозанұлын білсе екен» деп тарқасты.

Назерке Жаңбырбай

ПІКІРЛЕР

Тізімге қайта оралу

Спартакиада жеңімпаздары анықталды

17 Янв 2020 26

Х.Досмұхамедов  атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиадасының жеңімпаздары анықталды.

Әбу Насыр Әл-Фараби - 1150 жыл

16 Янв 2020 10

Шығыстың ғұлама ойшылы Әбу Насыр Әл-Фарабидің 1150 жылдық мерейтойына орай ғылыми ақпарат және сирек кездесетін әдебиеттер бөлімінде «Әл-Фараби - өркениет философы» тақырыптық әдебиеттер ұсыныс-тізімі жасалып,  «Бабалар сөзі - тәрбие көзі» кітап көрмесі ұйымдастырылды.

Андре Карстенс университетімізде

15 Янв 2020 37

Бүгін Х.Досмұхамедов атындағы Атырау мемлекеттік университетінде Қазақстандағы Нидерланды мемлекетінің елшілігінен келген Андре Карстенспен кездесу өтті.

Абай және ХХI ғасырдағы Қазақстан

14 Янв 2020 37

Биыл Абай Құнанбайұлының туғанына 175 жыл. Осыған орай, Ел Президенті Қасым-Жомарт Тоқаев "Абай және ХХІ ғасырдағы Қазақстан" атты ұлы ақынның мерейтойына арналған мақаласын жариялағаны  белгілі. Мемлекет басшы мақаласындағы негізгі мақсат пен бағытты атыраулық ғалымдар талқылап, ой қорытты.  

Абай Құнанбайұлының 175 жылдығы

14 Янв 2020 35

Ұлы ақын, композитор, философ, саясаткер, ағартушы Абай Құнанбайұлының 175 жылдығын тойлауға арналған шаралар басталғаны баршаға мәлім.