Жастар жылы – жаңа бағыттардың жаршысы

    Бүгін Х.Досмұхамедов атындағы Атырау мемлекеттік университетінің жастары  үшін ерекше күн болды. Ол  2019 жыл – «Жастар жылы» болып ресми ашылуы еді. Бұл елімізде мемлекеттік жастар саясатын жан-жақты қолдау мен жүзеге асыруға бағытталған ауқымды іс-қимыл жоспарын іске асыруға бастау алатыны сөзсіз.

ҚР Президенті Н.Ә.Назарбаев жастарды мемлекет тарапынан жасалынып жатқан бар мүмкіндіктерді тиімді пайдалануға, әрбір жастың өз ұмтылысы болуы қажеттігіне  тоқталды. Сондай-ақ,  әр түрлі салалардағы жетістіктерге жеткен жас қазақстандықтардың сөздері  де жастарды тіпті қанаттандырды. Міне, сан-салалы мамандықтарда оқитын, болашақта еліміздің экономикасын дамытуға белсене араласатын  алғыр да парасатты жастарға сенім арту -  қоғам алдындағы ең маңызды, әрі бірегейі мәселе, уақыттың талабы деп түсіндік.

       Университет жастары ортасында сана-сезімнің артуы байқалып, жауапкершілік, парыз және бастамашылық сезім орын алуда, оны біздің белсенді жастарымыз іс жүзінде «Өзін-өзі басқару» ұйымында дәлелдеп келеді. Университеттің Жастар саясаты арқылы  жастар ұйымдарының өзара ықпалдасу жүйесін нығайту, отансүйгіштік және ұрпақтар сабақтастығы негізінде құндылықтар жүйесін қалыптастыру, өңірдің әр сұранысына белсене қатысуға жұмылуда жылдан-жылға студенттердің азаматтық және саяси белсенділігі артып отыр. 

         2019-жыл жастар үшін жетістіктерге жетуге зор мүмкіндіктер жылы болатынына және университет жастары білім-ғылым-тәрбие, мәдени-қоғамдық, саяси өмірде жалындаған жастық жігермен атсалысатынына сеніміміз мол.

 

Бибінұр Қорған Бүркітқызы,
Х.Досмұхамедов атындағы Атырау
мемлекеттік университетінің
Жастар саясаты департаментінің
директоры


ПІКІРЛЕР

Тізімге қайта оралу

ҚОНАҚ ДӘРІСІ

27 Ноя 2020 18