2019-жыл Жастар жылы
Жастардың жүрек сөзі
Елбасымен өткен форумда Семейлік жас ақын, дарын сыйлығының иегері - Мерей Қарттың әдебиет академиясын ашу туралы ойы маған қатты ұнады. Сондай әдеби академия ашылып, танылмай жүрген таланттардың тасада қалмауына себепкер болса нұр үстіне нұр болар еді. Бұл біздің еліміздің дамуына, жастарымыздың жігерін арттырып, идеяларын жүзеге асыруына себепкер болар еді.
Сая Еламанова Х.Досмұхамедов атындағы АтМУ-нің 3-курс студенті
Год молодежи-это большой шанс проявить себя. Очень рад такой возможности, и выражаю благодарность тому, что целый год посвятили нам. Если государства проявила нам доверие, мы ответим тем же.
Қайсагалиев Даулеткерей Х.Досмұхамедов атындағы АтМУ-нің 1-курс студенті
Тамила Розметованың қаламызда алма бағын дамыту жөніндегі пікірін қолдаймын. Кеңес үкіметі кезінде, Сарытоғай ауылында шаруасы өрге домалап , кейін жабылып қалған алма шаруашылғын қайта қолға алып, ашса екен деймін. Бұл бастама ауыл шаруашылығының дамуына айтарлықтай үлесін қосар еді. Және де жерлесіміздің ұсынып отырған ұсынысы арқылы қаншама жастарымыз жұмыспен қамтылып, еліміздің дамуына өздерінің үлестерін қосар еді.
Нұр Илиясов Х.Досмұхамедов атындағы АтМУ-нің 1-курс студенті
Кешегі Жастар жылының салтанатты ашылуы біз секілді жастарға үміт-сәулесін сыйлады. Елбасы алдында еркін көсілген замандастарымыз ой-пікірлерін ашық жеткізіп, алдағы жоспарлары жайында сөз етті. Осыдан-ақ, жастарымыздың жалынды екенін аңғаруға болады. Онлайн тыңдау барысында маған ерекше ұнағаны әдебиет академиясын ашу жайлы жас ақын Мерей Қартпен алма бағын дамытуды көздеген жерлесіміз Т. Розметованың ұсынысы еді. Екі жас дарында салиқалы ой айтып, бүкіл жастардың арман тіліген жеткізді деп білемін. Қазақтың «Ұрыс та тұрыс жоқ» дегені секілді, Мемлекет басшысы бар мүмкіндікті бергендіктен біз секілді жастарға ендігі жерде шегінуге жол болмауы керек!
Нұрай Жексенова, Х. Досмұхамедов атындағы АМУ мұражайы жанынан құрылған «Атамекен» саяхат клубының жетекшісі
Журналистика факультетінің 1 курс студенті
ПІКІРЛЕР