Спартакиада жеңімпаздары анықталды
Х.Досмұхамедов атындағы Атырау мемлекеттік университетінің «Ректор кубогі» үшін профессор-оқытушылар құрамы және қызметкерлері арасындағы дәстүрлі 67-ші спартакиадасы өз мәресіне жетті.
Салтанатты шараның жабылуында сөз алған ректор Абзал Талтенов жарысқа бір кісідей атсалысқан ұжымға алғысын айта келіп, спартакиаданың жаз мезгілінде де жалғасын табатынын жеткізді. Ол: - Спорт - денсаулық кепілі! Жыл сайынғы өтіп жатқан осындай айтулы шараның басы-қасынан табылған баршаңызға алғысымды айтқым келеді. Салауатты өмір салтын қалыптастыруда қамсыз қалмай, етене араласқандықтарыңыз ұжымның бірлігін көрсетеді. Ылайым, осылай болуына тілектеспін, -деді.
Он күнге созылған айтулы додада топ жарғандарды университет ректоры марапаттап, алғыс хаттарды табыс етті. Айта кету керек, қорытынды есеп бойынша барлық жарыс түрлерінен 42 ұпай жинап, Жаратылыстану және ауылшаруашылық ғылымдары факультеті 1 орынға шықты. Ал, 41 ұпаймен Гуманитарлық ғылымдар және өнер факультеті 2 орынға жайғасты. Әкімшілік шаруашылық бөлімі 40 ұпаймен 3 орынды иеленді.
Ойынға қатысушылар арасынан үздіктері де марапатсыз қалмады.
ПІКІРЛЕР