18.01.2019 1382

Х.Досмұхамедов атындағы Атырау мемлекеттік университетінің базасында ашылған "ІТ - мамандарды даярлау орталығында" Атырау облысында 2019 жылы ашылатын "Балаларға арналған тегін ІТ-сыныптар" жобасы аясында мұғалімдер даярлау курсынан өтті.

Курс барысында магистр, аға оқытушылар Нұргүл Бауыржанқызы  мен Айгүл Ермекқызы "Заманауи бағдарламалау технологиялары (S/S++) тақырыбында, магистр, аға оқытушы Гүлнұр Боранбайқызы "3 D модельдеу", сондай-ақ "График және дизайн" тақырыбында магистр, аға оқытушы Раушан Молдашева (CorolDRAW), Асылбек Хамитов (AutoCAD), Айболсын Салимова  (AutoCAD) сабақтар өткізді. 
Қырыққа жуық қатысушыларды курс соңында профессор,  тех.ғыл. кандидаты, "Бағдарламалық инженерия" кафедрасының меңгеруші Жанна Дүйсенбайқызы арнайы сертификаттармен марапаттады.
Айта кетейік, аталған "ІТ-мамандарын даярлау орталығынан" бұған дейін де әртүрлі салада қызмет ететін мамандар бағдарламалау дағдылары мен сандық сауаттылық бойынша негізгі білімдерін жетілдірген болатын. Сандық сауаттылық бойынша ІТ орталық барлығы 157 тыңдаушыларды, оның ішінде 72 мұғалім ІТ сыныптарға арналған және 85 маман басқа да сала мамандарын дайындады.
Сондай-ақ, ІТ саласына қатысты семинар өтіп, "Бизнес талдау. ІТ жобаларды басқару", "Жүйелер мен желілерді басқару", "Қолданбалы информатика" тақырыптарында талқылаулар болды.
Семинарға "Қазақтелеком" ақпараттық жүйелер дирекциясының аймақтық бөлімше бастығы Руслан Кенжеахметов және басқа да сала мамандары қатысты.
                                                                                                Арайлым БАҒЫТЖАН

Тізімге қайта оралу