Білім бағдарламасын талқылау жалғасуда
Х.Досмұхамедов атындағы Атырау мемлекеттік университетінде өтіп жатырған «Жоғары білімнің жаңа форматтары» тақырыбындағы әдістемелік декаданың екінші күнінде гуманитарлық ғылымдар және өнер факультеті Қазақстан және дүниежүзі тарихы кафедрасының оқытушылары тарих мамандықтары бойынша білім бағдарламаларына талдау жасады.
Жаңа форматта мамандар дайындау ісіне лайықты, қоғамның сұраныстарына сай келетін мамандарды дайындау әрқашанда күн тәртібіндегі аса өзекті мәселе болып табылады. Сондықтан Атырау өңіріндегі ғана емес, жалпы еліміздің аумағында да сұранысқа ие бола алатын мамандар дайындау үшін қандай білік пен дағдыны меңгерте аламыз және ол үшін қандай оқу пәндерін оқытамыз деген сауал талқыға түсті. Білім бағдарламаларына енгізілетін пәндерді талқылау мен оларды оқытудың нәтижелерін анықтау мақсатында аталған білім бағдарламасын жасақтаушы академиялық комитет мүшелернің жүргізген жұмыстарын тарих мамандықтары бойынша академиялық комитет жетекшісі, факультет деканы Г.Кайргалиева баяндап, хабарлама жасады. Академиялық комитет құрамына енген кафедра оқытушылары, жұмыс берушілер мен білім алушылардың өкілдері тарихшы мамандарды дайындаудағы тиімді пәндерді анықтауды мақсат еткендігін, сонымен қатар атыраулық мұғалімдермен кездесулер жүргізіліп, ұсыныстары жинақталғандығын атап өтті.
10 қаңтарда өткен білім бағдарламасын талқылау барысында тарих ғылымдарының докторы Ұ.Ахметова болашақ ұстаздардың ғылыми-зерттеу жұмыстарын жүргізу құзыреттілігін қалыптастыру үшін қажетті «Тарихты зерттеуге кіріспе» деп аталатын пәнді енгізуге ұсыныс жасады.
Кафера оқытушылары жасақталып жатырған білім бағдарламасын қолдап, әлі де жетілдіре түсетін тұстарына ұсыныстар берді.
ПІКІРЛЕР