Әдістемелік декада
9 қаңтарда «Жоғары білімнің жаңа форматтары» тақырыбындағы әдістемелік декада басталды. Декада аясында «Білім» бағытындағы білім бағдарламаларының мазмұнындағы педагогикалық-психологиялық және әдістемелік блоктарды талқылау» атты семинар өтті.
Дәстүрлі түрде үшінші жыл қатарынан өткізіліп келе жатырған декаданың басталуымен университетіміздің оқу ісі жөніндегі проректоры Джарасова Гүлжан Сағидоллақызы құттықтау сөз сөйлеп, декада сәтті өтуіне және инновациялық идеялардың пайда болуын тіледі.
Сонымен қатар, Гүлжан Сағидоллақызы «Білім» бағытындағы білім бағдарламаларын жасақтау барысында Педагогтің кәсіби стандартың, жалпы орта білім берудің жаңартылған мазмұндағы үлгілік оқу бағдарламаларын және жұмыс берушілердің ұсыныстарын басшылыққа алу қажет екендігіне тоқталды.
«Білім» бағытындағы білім бағдарламаларының мазмұнындағы педагогикалық-психологиялық және әдістемелік блоктарды талқылау» атты семинарда Академиялық мәселелер жөніндегі департаментінің директоры Сүлейменова Жанар Оразқызы «Әдістемелік және жалпы білім беретін модульдер блогы туралы» атты тақырыпта, Чукуров Асхат Ералыұлы «Білім бағдарламаларының әдістемелік блогын Педагогтің кәсіби стандартына сәйкестендіру және педагогикалық практикаларды ұйымдастыру туралы» тақырыпта және Педагогика кафедра-лабораториясының меңгерушісі Джанзақова Шолпан Исағалиқызы «Әдістемелік дайындық модульдерін қалыптастыру ерекшеліктері» атты тақырыпта мазмұнды баяндамалар жасалынып, семинарға қатысқан кафедра меңгерушілері мен академиялық комитет мүшелерінің арасында қызу талқылау болды.
Декада бекітілген бағдарламаға сәйкес 19 қаңтарға дейін жалғасатын болады.
ПІКІРЛЕР